१० लाख ६८ हजारांचा गंडा
marathinews24.com
पुणे – शेअर मार्केटमध्ये गुंतवणूक केल्यास चांगला परतावा मिळवून देतो, अशी बतावणी करीत सायबर चोरट्यांनी एकाला तब्बल १० लाख ६८ हजारांचा ऑनलाईन गंडा घातला आहे. ही घटना १३ डिसेंबर ते ७ फेबु्रवारी २०२४ कालावधीत वाघोलीत घडली आहे. याप्रकरणी ४२ वर्षीय नागरिकाने वाघोली पोलीस ठाण्यात फिर्याद दाखल केली आहे. त्यानुसार मोबाइलधारक बँक धारकाविरूद्ध गुन्हा दाखल केला आहे.
एपीके फाईलद्वारे घेतला मोबाइलचा ताबा – सविस्तर बातमी
पोलिसांनी दिलेल्या माहितीनुसार, तक्रारदार हे वाघोलीत राहायला असून, १३ डिसेंबर २०२४ रोजी सायबर चोरट्यांनी त्यांना फोन करून शेअर मार्वेâटमध्ये गुंतवणूक केल्यास चांगला परतावा मिळवून देतो अशी बतावणी केली. तक्रारदाराचा विश्वास संपादित केल्यानंतर सायबर चोरट्यांनी त्यांना गुंतवणूकीला भाग पाडले. जवळपास १० लाख ६८ हजार रूपये ऑनलाईनरित्या वर्ग करूनही त्यांना परतावा मिळाला नाही. फसवणूक झाल्याचे लक्षात आल्यानंतर तक्रारदाराने पोलीस ठाण्यात धाव घेतली. याप्रकरणी वरिष्ठ पोलीस निरीक्षक युवराज हांडे तपास करीत आहेत.
