महिलेने सहकारनगर पोलीस ठाण्यात केला गुन्हा दाखल
marathinews24.com
पुणे – गॅसबील भरणा थकबाकी असल्याची बतावणी करीत सायबर चोरट्यांनी जेष्ठ महिलेला एपीके फाईल पाठवली. त्यांना फाईल उघडण्यास भाग पाडून, सायबर चोरट्यांनी मोबाइलचा ऑनलाईन ताबा घेतला. त्यानंतर त्यांच्या बँक खात्यातून तब्बल ९ लाख १३ हजारांचा ऑनलाईन गंडा घातला आहे. ही घटना २३ सप्टेंबर ते ९ ऑक्टोबर २०२५ कालावधीत पर्वतीत घडली. याप्रकरणी महिलेने सहकारनगर पोलीस ठाण्यात फिर्याद दाखल केली आहे.
महिलेचे सोन्याचे दागिने चोरले – सविस्तर बातमी
पोलिसांनी दिलेल्या माहितीनुसार, तक्रारदार महिला पर्वती परिसरात राहायला असून, २३ सप्टेंबरला सायबर चोरट्यांनी त्यांना फोन केला. तुमचे गॅसबील भरणा करणे आवश्यक असल्याचे सांगितले. त्यानंतर सायबर चोरट्यांनी महिलेच्या मोबाइलवर एपीके फाईल पाठवून उघडण्यास भाग पाडले. त्यानंतर महिलेच्या मोबाइलचा ताबा घेउन सायबर चोरट्यांनी महिलेच्या बँकखात्यातील ९ लाख १३ हजारांची रोकड इतर बँक खात्यात वळवून घेत फसवणूक केली आहे. याप्रकरणी वरिष्ठ पोलीस निरीक्षक विठ्ठल पवार तपास करीत आहेत.
