चोरट्यांविरुद्ध गुन्हा दाखल
marathinews24.com
पुणे – एटीेएममधून पैसे काढणाऱ्या तरुणाला मारहाण करुन त्याच्याकडील २८ हजारांची रोकड लुटण्यात आल्याची घटना गणेशखिंड रस्त्यावरील वीर चापेकर चौकात घडली. याबाबत एका तरुणाने शिवाजीनगर पोलीस ठाण्यात फिर्याद दिली आहे. याप्रकरणी दोन चोरट्यांविरुद्ध गुन्हा दाखल करण्यात आला आहे.
केजच्या बसस्थानकात चोरट्यांचा धुमाकूळ – सविस्तर बातमी
पोलिसांनी दिलेल्या माहितीनुसार, तक्रारदार ३२ वर्षीय तरुण कसबा पेठेत राहायला आहे. १ जानेवारी रोजी तरुण आणि त्याचा मित्र गणेशखिंड रस्त्यावरील वीर चापेकर चौकातील श्री म्हसोबा मंदिराजवळ असलेल्या एटीएममधून रात्री साडेनऊच्या सुमारास रोकड काढून निघाले होते. त्या वेळी दुचाकीवरुन आलेल्या चोरट्यांनी तरुण आणि त्याच्याबरोबर असलेल्या मित्राला अडवले. दोघांनी शिवीगाळ करुन मारहाण करण्यास सुरुवात केली. झटापटीत तरुणाच्या खिशातील २८ हजार रुपयांची रोकड लुटून चोरटे पसार झाले. सहायक पोलीस निरीक्षक पांढरे तपास करत आहेत.
नगर रस्त्यावर बसची वाट पाहत थांबलेल्या एका तरुणाला पुणे स्टेशनपर्यंत सोडण्याची बतावणी करुन मोटारचालक आणि साथीदारांनी लुटल्याची घटना नुकतीच घडली हाेती. शहरात पादचाऱ्यांना धमकावून त्यांच्याकडील रोकड, तसेच मोबाइल हिसकावून नेण्याच्या घटना वाढल्या आहेत. पादचारी महिलांकडील दागिने हिसकाविण्याचे प्रकार वाढले आहेत.
