लोहगाव परिसरात गोदामाला आग; साहित्य जळून खाक

अग्निशमन दलाच्या जवानांनी आटोक्यात आणली आग

marathinews24.com

पुणे – शहरातील लोहगाव-वाघोली रस्त्यावर असलेल्या एका गोदामास आग लागल्याी घटना बुधवारी दुपारी घडली. आगीत गोदामातील साहित्य जळाले. सुदैवाने घटनेत कोणी जखमी झाले नाही. आगीमागचे कारण समजू शकले नाही. लोहगाव-वाघोली रस्त्यावर राॅयल ॲटोमोबाइल्स आणि वुड्स इटालिया हे गोदामा आहे. ही जागा विनोद खांदवे (रा. लोहगाव) यांच्या मालकीची आहे.

गुंड टिपू पठाण टोळीवर खंडणीचा गुन्हा – सविस्तर बातमी 

गुरुवारी दुपारी गोदामात आग लागली. गोदामात फर्निचर, ऑईल, ग्रीस, तसेच वाहनाच्या सुट्या भागाचा साठा होता. आग भडकल्यानंतर तातडीने अग्निशमन दलाच्या धानोरी, खराडी, येरवडा केंद्रातील चार बंब, टँकर घटनास्थळी दाखल झाले. गोदामात कोणी अडकले नसल्याची खात्री करण्यात आली. धानोरी अग्निशमन केंद्रातील प्रभारी अधिकारी सोपानदेव पवार, खराडी केंद्राचे उपअधिकारी दत्तात्रेय सातव, तांडेल सावंत, जवान सचिन जमदाडे, सपाटे, मुंगसे, कार्ले, नरके, जाधव, तसेच पुणे महानगर क्षेत्र विकास प्राधिकरणाच्या अग्निशमन दलाचे जवानांनी पाण्याचा मारा करुन पाऊण तासात आग आटोक्यात आणली.