अनोळखी महिलेची ओळख पटविण्याचे काम सुरू
marathinews24.com
पुणे – शहरातील हडपसर-सासवड रस्त्यावर वडकी गावात असलेल्या गोदामाच्या मोकळ्या जागेत महिला मृतावस्थेत सापडली. महिलेचा खून झाल्याचे उघड झाले असून, महिलेची ओळख पटलेली नाही. याबाबत वरिष्ठ पोलीस निरीक्षक अमोल मोरे (वय ४३) यांनी फुरसुंगी पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, पोलिसांनी खुनाचा गुन्हा दाखल केला आहे.
पुणे, पिंपरी-चिंचवड शहरातून दुचाकी चोरणारे गजाआड – सविस्तर बातमी
पोलिसांनी दिलेल्या माहितीनुसार, हडपसर-सासवड रस्त्यावरील वडकी गावातील काची कंपनीच्या गोदामाजवळ असलेल्या मोकळ्या जागेत एक महिला मृतावस्थेत पडल्याची माहिती पोलिसांना मिळाली. त्यानंतर फुरसुंगी पोलीस ठाण्याचे वरिष्ठ पोलीस निरीक्षक अमोल मोरे, सहायक निरीक्षक पवार यांनी घटनास्थळी भेट दिली. पोलिसांनी घटनास्थळाची पाहणी केली. महिलेच्या डोक्यात कठीण वस्तुने प्रहार करण्यात आल्याचे उघडकीस आले. उपचारांपूर्वीच महिलेचा मृत्यू झाला होता. खून झालेल्या महिलेचे वय अंदाजे ३० ते ३५ वर्ष आहे. तिची ओळख पटलेली नाही. पोलिसांकडून महिलेची ओळख पटलेली नाही. हडपसर, सासवड, फुरसुंगी परिसरातून बेपत्ता झालेल्या महिलांची पोलिसांकडून माहिती घेण्यात येत आहे. पोलीस उपनिरीक्षक देशमुख तपास करत आहेत.
