विश्रांतवाडी पोलीस ठाण्यात गुन्हा दाखल
marathinews24.com
पुणे – बंद दुकानाचे कुलूप तोडून चोरट्यांनी ८० हजारांची रोकड, सात धनादेश असा ऐवज चोरून नेला आहे. ही घटना ५ मार्चला मध्यरात्री एकच्य सुमारास विश्रांतवाडीतील आनंद पार्कमधील न्यू बालाजी ट्रेडर्समध्ये घडली आहे. याप्रकरणी ३६ वर्षीय तरूणाने विश्रांतवाडी पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
सासवड रस्त्यावर महिलेचा खून – सविस्तर बातमी
पोलिसांनी दिलेल्या माहितीनुसार, तक्रारदार हे विश्रांतवाडीत राहायला असून, धानोरी रस्त्यावरील आनंद पार्कात त्यांचे बालाजी ट्रेडर्सचे दुकान आहे. ५ मार्चला मध्यरात्री एकच्या सुमारास चोरट्यांनी त्यांच्या दुकानाचे कुलूप तोडून आतमध्ये प्रवेश केला. दुकानातील गल्ल्यातील ८० हजारांची रोकड, बँक ऑफ महाराष्ट्रचे कोरे सात धनादेश असा ऐवज चोरून नेला. दुसर्या दिवशी तक्रारदाराला दुकानात चोरी झाल्याचे दिसून आले. त्यानंतर त्यांनी पोलीस ठाण्यात धाव घेतली. दरम्यान, सीसीटीव्ही फुटेजनुसार आरोपींचा माग काढला जात असल्याची माहिती तपास पथकाचे पोलीस उपनिरीक्षक महेश भोसले यांनी दिली आहे.
