दोन अल्पवयीनांसह महिलेविरूद्ध गुन्हा
marathinews24.com
पुणे – दुचाकीवरून जाताना कट मारल्याच्या वादातून अल्पवयीनांसह एका महिलेने तरूणाचा खूनाचा प्रयत्न केला आहे. त्याला गंभीररित्या जखमी केल्याची घटना ६ मार्चला कोंढव्यातील भाग्योदनगरात घडली आहे. याप्रकरणी कोंढवा पोलिसांनी गुन्हा दाखल केला असून, अल्पवयीनांसह महिलेचा शोध घेतला जात आहे.
शेअर मार्केटमध्ये गुंतवणूकीच्या आमिषाने फसवणूक – सविस्तर बातमी
पोलिसांनी दिलेल्या माहितीनुसार, तक्रारदाराचा पुतण्या हा ६ मार्चला रात्री दहाच्या सुमारास कोंढवा खुर्दमधील मक्का ओम सोसायटीजवळून जात होता. त्यावेळी त्याने कट मारल्याचा आरोप करीत दोन अल्पवयीनांसह महिलेने त्याला थांबवले. त्याला बेदम मारहाण करीत जीवे ठार मारण्याच्या उद्देशाने त्याच्यावर खुनी हल्ला केला. तरूणाच्या डोक्यात मारून गंभीररित्या जखमी केले आहे. याप्रकरणी पोलीस उपनिरीक्षक खोपडे तपास करीत आहेत.
