सायबर चोरट्यांनी पावणेसहा लाख रूपयांचा घातला गंडा
marathinews24.com
पुणे – हॉटेलला रिव्हिव्ह देण्याचा टास्क तरूणाच्या अंगलट आला असून, सायबर चोरट्यांनी त्याला तब्बल पावणेसहा लाख रूपयांचा गंडा घातला आहे. ही घटना १९ ते २० फेबु्रवारी २०२६ कालावधीत मांजरी परिसरात घडली आहे. याप्रकरणी ३८ वर्षीय तरूणाने मांजरी पोलीस ठाण्यात फिर्याद दाखल केली आहे. त्यानुसार मोबाइलधारक, लिंकधारकाविरूद्ध गुन्हा दाखल करण्यात आला आहे.
किराणा माल दुकानातून ३ लाखांची रोकड चोरीला – सविस्तर बातमी
पोलिसांनी दिलेल्या माहितीनुसार, तक्रारदार तरूण मांजरी परिसरात राहायला असून, १९ फेबु्रवारीला सायबर चोरट्यांनी त्याला संपर्क केला. हॉटेलला रिव्हिव्ह देण्याचा टास्क पुर्ण केल्यास काही रक्कम वर्ग करण्याचे आमिष दाखवले. त्यानुसार संबंधिताने पावणे सहा लाख रूपये ऑनलाईनरित्या वर्ग केले. मात्र, सायबर चोरट्यांनी त्यांची फसवणूक केली आहे. याप्रकरणी वरिष्ठ पोलीस निरीक्षक बाबासाहेब निकम तपास करीत आहेत.
