वैभव नावडकर यांची माहिती
marathinews24.com
बारामती – महसूल विभागाच्यावतीने काटेवाडी येथे शनिवारी (७ मार्च) आयोजित छत्रपती शिवाजी महाराज महाराजस्व समाधान शिबीरामध्ये नागरिकांना २६७ संगणकीकृत सातबारा २६७, ८-अ उतारा २५१, विविध विभागाकडील दाखले २३७ असे एकूण ५७५ दाखले वितरित करण्यात आले आहे, कार्यक्रमाच्या सुरुवातीला दिवंगत उपमुख्यमंत्री अजितदा पवार यांना श्रद्धांजली अर्पण करण्यात आली, अशी माहिती उपविभागीय अधिकारी वैभव नावडकर यांनी दिली.
विभागीय लोकशाही दिनात नऊ प्रकरणांवर सुनावणी – सविस्तर बातमी
यावेळी तहसीलदार स्वप्निल रावडे, निवासी नायब तहसीलदार नामदेव काळे, महसूल नायब तहसीलदार स्वाती गायकवाड, भूमी अभिलेख विभागाचे उपअधीक्षक संजय धोंगडे, पुरवठा निरीक्षण अधिकारी तितिक्षा बारापत्रे, काटेवाडीच्या सरपंच मंदाकिनी भिसे, उपसरपंच मिलिंद काटे, मंडळ अधिकारी राजेंद्र गिरमे, काटेवाडी मंडळातील ग्राम महसूल अधिकारी, आधार कार्ड केंद्रचालक, सीएससी, महा-ईसेवा केंद्रचालक, गॅस पुरवठादार आदी उपस्थित होते.
नावडकर म्हणाले, छत्रपती शिवाजी महाराज महाराजस्व समाधान शिबीरामध्ये नागरिकांना भेडवासणाऱ्या विविध समस्यांची सोडवणूक करण्यात येईल, येत्या १४ मार्च रोजी शिर्सुफळ येथे शिबीराचे आयोजन करण्यात येणार असून अधिकाधिक नागरिकांनी या शिबीरात सहभागी व्हावे, असे आवाहन नावडकर यांनी केले.
छत्रपती शिवाजी महाराज महाराजस्व समाधान शिबीर आयोजनाबाबत माहिती देतांना रावडे म्हणाले, महसूल विभागातील प्रलंबित फेरफार निकाली काढणे, ७/१२ अभिलेख दुरुस्ती, अकृषक तरतुदी सुधारणा, कमी जास्त पत्रके तयार करणे, पाणंद रस्ते, ई-मोजणी अर्ज, जिवंत ७/१२ टप्पा २ अंतर्गतच्या नोंदीबाबत मार्गदर्शन केले. विविध विभागाच्या योजना व सेवांविषयी मार्गदर्शन केले.
शिबीरात निकाली फेरफार ४३ करण्यासोबतच ७/१२ मधील दुरुस्तीसंदर्भात ५७ अर्ज प्राप्त झाले, एक खिडकी योजनेअंतर्गत ४१ अर्ज निकाली तसेच अकृषक परवानगी दिलेल्या प्रकरणी कमी जास्त पत्रके तयार करुन गाव दप्तर २ प्रकरणे अद्यावत करण्यात आले. महसूल, भूमी अभिलेख, पुरवठा, ग्रामविकास, आरोग्य, सामाजिक न्याय, कृषी विभाग, टपाल कार्यालय आदी विभागांच्या सेवांच्या लाभ देण्यात आला. नावडकर आणि उपस्थित मान्यवरांच्या हस्ते विविध विभागामार्फत देण्यात आलेल्या लाभाचे वाटप करण्यात आले.
