लष्कर भागातील घटना; तिघे अटकेत
marathinews24.com
पुणे – चेष्टा मस्करीतून वास्तूविशारद तरुणावर चाकूने वार करुन त्याचा खून करण्यात आल्याची घटना लष्कर भागातील मोदीखाना परिसरात घडली. या प्रकरणी लष्कर पोलिसांनी तिघांना अटक केली. फैसल फारुख खान (वय ३०, रा. कौसरबाग, कोंढवा) असे खुन झालेल्या तरुणाचे नाव आहे. याप्रकरणी अली अब्बास अश्रफअली सय्यद (वय २५, रा. चुडामण तालीम,भवानी पेठ), सोहेल युसुफ तांबोळी (वय २२, रा. म्हाडा कॉलनी, विमाननगर), अश्रफअली गफार सय्यद (वय ५५, रा. म्हाडा कॉलनी, विमाननगर) यांना अटक करण्यात आली. त्यांच्याबरोबर असलेल्या तीन साथीदारांविरुगुन्हा दाखल केला आहे.
पिस्तुलातून गोळी झाडून तरूणाची आत्महत्या – सविस्तर बातमी
पोलिसांनी दिलेल्या माहितीनुसार, फैसल खान हा वास्तूविशारद होता. तो एका खासगी कार्यालयात कामाला होता. मंगळवारी रात्री तो लष्कर भागातील न्यू मोदीखाना परिसरात मित्रांबरोबर गप्पा मारत थांबला होता. त्यावेळी आरोपी दुचाकीवरुन निघाले होते. फैसलने चेष्टेत एकाला हाक मारली. त्यानंतर दुचाकीवरील आरोपी सय्यद, तांबोळी, सय्यद तेथे आले. आरोपींनी मोबाइलवरुन संपर्क साधून साथीदारांना बोलावून घेतले. चेष्टेत हाक का मारली? अशी विचारणा केली. आरोपींनी फैसलला लाथाबुक्क्यांनी मारहाण केली. त्याच्यावर चाकूने वार केले. गंभीर जखमी अवस्थेतील फैसलला तातडीने रुग्णालयात दाखल करण्यात आले. उपचारादरम्यान त्याचा मृत्यू झाला. त्यानंतर पोलिसांनी तपास करुन तिघांना अटक केली. वरिष्ठ पोलीस निरीक्षक संतोष खेतमाळस तपास करत आहेत.
