सायबर चोरट्यांविरुद्ध विश्रामबाग पोलिसांनी केला गुन्हा दाखल
marathinews24.com
पुणे – वाहतूक नियमभंगाची एपीके फाईल पाठवून सायबर चोरट्यांनी एकाची पावणेतीन लाख रुपयांची फसवणूक केल्याचा प्रकार उघडकीस आला. याप्रकरणी सायबर चोरट्यांविरुद्ध विश्रामबाग पोलिसांनी गुन्हा दाखल केला.याबाबत एकाने विश्रामबाग पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, सायबर चोरट्यांविरुद्ध गुन्हा दाखल करण्यात आला आहे.
‘म्हाडा’त सदनिकेत मिळवून देण्याच्या आमिषाने महिलेची फसवणूक – सविस्तर बातमी
पोलिसांनी दिलेल्या माहितीनुसार, तक्रारदार हे टिळक रस्त्यावर राहायला आहेत. सायबर चोरट्यांनी त्यांच्या मोबाइल क्रमांकावर वाहतूक नियमभंगाची एपीके फाईल पाठविली होती. चोरट्यांनी पाठविलेली एपीके फाईल उघडताच तक्रारदाराचा मोबाइल क्रमांक सायबर चोरट्यांनी हॅक करुन बँक खात्यातून पावणेतीन लाख रुपयांची रोकड लांबविली. खात्यातून पैसे काढून ते दुसऱ्या खात्यात हस्तांतरित झाल्याचे लक्षात आल्यानंतर त्यांनी पोलिसांकडे तक्रार दिली आहे. गुन्हे शाखेचे पोलीस निरीक्षक अरुण घोडके तपास करत आहेत.
