सायबर पोलीस ठाण्यात सायबर पोलीस ठाण्यात
marathinews24.com
पुणे – शेअर ट्रेडींगमध्ये गुंतवणूक केल्यास चांगला नफा मिळवून देण्याची बतावणी करीत सायबर चोरट्यांनी एकाला तब्बल ७० लाख रूपयांचा गंडा घातला आहे. ही घटना ४ जानेवारी ते २५ सप्टेंबर २०२५ कालावधीत वानवडी परिसरात घडली आहे. याप्रकरणी ५९ वर्षीय व्यक्तीने सायबर पोलीस ठाण्यात फिर्याद दाखल केली आहे. त्यानुसार मोबाइलधारक व लिंकधारकाविरूद्ध गुन्हा दाखल केला आहे.
दुकानाचे कूलूप तोडून ७० हजारांची रोकड चोरी – सविस्तर बातमी
पोलिसांनी दिलेल्या माहितीनुसार, तक्रारदार हे वानवडीत राहायला असून, ४ जानेवारी २०२५ मध्ये सायबर चोरट्यांनी त्यांना संपर्क साधला होता. शेअर मार्वेâटमध्ये गुंतवणूक केल्यास चांगला परतावा मिळवून देतो, अशी बतावणी केली. विश्वास संपादित केल्यानंतर तक्रारदाराने गुंतवणूकीला प्राधान्य दिले. तब्बल ७० लाख रूपये गुंतवणूक केल्यानंतरही सायबर चोरट्यांनी त्यांना आणखी रक्कम गुंतवणूक करण्यास सांगितले. फसवणूक झाल्याचे लक्षात आल्यानंतर तक्रारदाराने सायबर पोलीस ठाण्यात धाव घेतली. याप्रकरणी पोलीस निरीक्षक संगीता देवकाते तपास करीत आहेत.
