राजकारण, शिक्षण, कृषी ते क्राईमपर्यंत सर्व क्षेत्रातील बातम्यांचे वर्षभर सातत्याने कव्हरेज
marathinews24.com
पुणे – मराठी न्युज24 या वेब पोर्टलने आज यशस्वीपणे एक वर्ष पूर्ण केले असून वर्धापन दिनानिमित्त संपूर्ण टीमकडून आनंद व्यक्त करण्यात आला. गेल्या वर्षभरात पोर्टलने राजकारण, शिक्षण, महाराष्ट्रातील सर्व जिल्ह्यांतील घडामोडी, क्राईम, कृषी, शासकीय योजना, मनोरंजन, यशोगाथा तसेच राष्ट्रीय स्तरावरील ताज्या बातम्यांचे कव्हरेज केले आहे.
या वेब पोर्टलला वाचकांचा मोठा प्रतिसाद मिळाला असून आतापर्यंत सुमारे 20 लाख नागरिकांनी या बातम्या वाचल्या आहेत. वाचकांनी आपल्या प्रतिक्रिया नोंदवून पोर्टलच्या कार्याला अधिकचे प्रोत्साहन दिले आहे.
या यशामागे टीममधील सदस्यांचे मोठे योगदान आहे. यामध्ये रेवण कोळेकर, अमोल जाधव, मनोज जानवेकर, रियाझ पेंढारी, सागर कासार, अमोल बोरसे, यांनी विविध ठिकाणांहून बातम्या गोळा करून वाचकांपर्यंत पोहोचवल्या. त्यांच्या मेहनतीमुळे मराठी न्युज 24 ने अल्पावधीत विश्वासार्हता मिळवली आहे.
येणाऱ्या काळात अधिक वेगवान, अचूक आणि जनतेच्या प्रश्नांवर भाष्य करणाऱ्या बातम्या देण्याचा संकल्प टीमने व्यक्त केला आहे.
