विश्रांतवाडीजवळ फुलेनगर परिसरात घडला अपघात
marathinews24.com
पुणे – भरधाव वेगातील दुचाकी घसरून झालेल्या अपघातात तरूणाचा मृत्यू झाला आहे. अपघातात एकजण जखमी झाला असून, त्याच्यावर रूग्णालयात उपचार सुरू आहेत. हा अपघात २० एप्रिलला रात्री अकराच्या सुमारास विश्रांतवाडीजवळ फुलेनगर परिसरात घडला आहे. अजयकुमार डोमन मंडल (वय ३०, रा. येरवडा, मूळ-बिहार) असे ठार झालेल्याचे नाव आहे. सुजीत सहाणी (वय ३०, रा. विश्रांतवाडी ) असे जखमीचे नाव असून, त्याने विश्रांतवाडी पोलीस ठाण्यात फिर्याद दाखल केली आहे.
पोलीस असल्याच्या बतावणीने जेष्ठ महिलेला लुटले – सविस्तर बातमी
पोलिसांनी दिलेल्या माहितीनुसार, अजयकुमार आणि सुजीत हे २० एप्रिलला रात्री अकराच्या सुमारास दुचाकीवरून फुलेनगरातून प्रवास करीत होते. त्यावेळी अजयकुमार हा दुचाकी चालवित असताना त्याचे गाडीवरील नियंत्रण सुटले. त्यामुळे दुचाकी घसरून अपघात झाल्याने दोघेही खाली पडले. वाहन चालक अजयकुमार गंभीररित्या जखमी झाला. उपचारादरम्यान त्याचा मृत्यू झाल्याचे डॉक्टरांनी घोषित केले. याप्रकरणी पोलीस उपनिरीक्षक शेख तपास करीत आहेत.
