पार्क स्प्रिंग सोसायटीसमाेर भरधाव दुचाकी घसरून अपघात
marathinews24.com
पुणे – भरधाव दुचाकी घसरुन तरुणाचा मृत्यू झाल्याची घटना लोहगाव भागात नुकतीच घडली. ज्ञानेश्वर दिलीप रोटे (वय ४०, रा. रोटेवाडी, ता. कर्जत, जि. अहिल्यानगर) असे मृ्त्युमुखी पडलेल्या दुचाकीस्वाराचे नाव आहे. याबाबत रोटे यांची पत्नी स्वाती (वय ३२) यांनी लोहगाव पोलीस ठाण्यात फिर्याद दिली आहे.
डेक्कन जिमखाना भागात मध्यरात्री दोन ठिकाणी आग – सविस्तर बातमी
पोलिसांनी दिलेल्या माहितीनुसार, दुचाकीस्वार ज्ञानेश्वर रोटे हे १३ एप्रिलला दुचाकीवरुन दुपारी बाराच्या सुमारास लोहगाव भागातील पोरवाल रस्त्याने निघाले होते. त्यावेळी पार्क स्प्रिंग सोसायटीसमाेर भरधाव दुचाकी घसरली. दुचाकीस्वार रोटे यांच्या डोक्याला गंभीर दुखापत झाली. अपघाताची माहिती मिळताच पोलिसांनी घटनास्थळी भेट देऊन रोटे यांना तातडीने रुग्णालयात दाखल केले. उपचारादरम्यान त्यांचा मृत्यू झाला. अपघात प्रकरणाची नोंद लोहगाव पोलीस ठाण्यात केली असून, सहायक पोलीस निरीक्षक धामणे तपास करत आहेत.
