‘जवानांनी पाण्याचा मारा करुन आग आणली आटोक्यात
marathinews24.com
पुणे – डेक्कन जिमखाना भागात मध्यरात्री दोन ठिकाणी आग लागण्याची घटना घडली. नामदार गोपाळ कृष्ण गोखले रस्त्यावरील हाॅटेल रुपालीजवळ कपड्यांच्या साठ्याला आग लागल्याची घटना घडली. डेक्कन जिमखाना परिसरातील एका माॅलच्या परिसरात पहाटे आग लागली. सुदैवाने या घटनेत कोणी जखमी झाले नाही. नामदार गोपाळ कृष्ण गोखले रस्त्यावरील (फर्ग्युसन रस्ता) हाॅटेल रुपालीजवळील गल्लीत कपडे विक्रीची दुकाने आहे. या भागात कपडे विक्रेते रस्त्यावर विक्री करतात. या भागातील एका पत्र्याच्या शेडमध्ये कपड्यांचा साठा ठेवण्यात आला होता. मध्यरात्री सव्वाबाराच्या सुमारास पत्र्याच्या शेडमध्ये आग लागली. कपड्यांनी पेट घेतल्यानंतर मोठ्या प्रमाणावर धूर झाला. या घटनेची माहिती मिळताच अग्निशमन दलाच्या एरंडवणे केंद्रातील बंब घटनास्थळी दाखल झाला.
ज्येष्ठ नागरिकाची १ कोटी १७ लाखांची फसवणूक – सविस्तर बातमी
अग्निशमन अधिकारी राजेश जगताप यांच्या मार्गदर्शनाखाली ‘जवानांनी पाण्याचा मारा करुन आग आटोक्यात आणली. सुदैवाने या घटनेत कोणी जखमी झाल नाही. आगीमागचे कारण समजू शकले नाही’ अशी माहिती अग्निशमन अधिकारी राजेश जगताप यांनी दिली. त्यानंतर डेक्कन जिमखाना भागातील एका माॅलच्या आवारात पहाटे चारच्या सुमारास आग लागली. माॅलच्या आवारात ठेवलेल्या वस्तू, तसेच सिलिंगला आग लागली. अग्निशमन दलाच्या जवानांनी पाण्याचा मारा करुन अर्ध्या तासात आग आटोक्यात आणली. वारजे भागात शुक्रवारी मध्यरात्री एका सोसायटीतील दुकानांना आग लागल्याची घटना घडली होती. २४ तासात शहरात तीन ठिकाणी आग लागण्याच्या घटना घडल्या.
