चोरट्यांविरुद्ध अलंकार पोलिसांनी केला गुन्हा दाखल
marathinews24.com
पुणे – मोटारीची काच फोडून चोरट्यांनी ९ लाख १० हजार रुपयांचे सोन्याचे दागिने चोरून नेल्याची घटना कोथरूड भागात घडली. याप्रकरणी चोरट्यांविरुद्ध अलंकार पोलिसांनी गुन्हा दाखल केला आहे. याबाबत एका ज्येष्ठ नागरिकाने अलंकार पोलीस ठाण्यात फिर्याद दिली आहे. त्यंनी दिलेल्या फिर्यादीनुसार चोरट्यांविरुद्ध गुन्हा दाखल करण्यात आला.
बलात्काराच्या गुन्ह्यात पसार आरोपी लातूरमधून अटकेत – सविस्तर बातमी
पोलिसांनी दिलेल्याा माहितीनुसार, तक्रारदार ७५ वर्षीय ज्येष्ठ नागरिक हे कोथरूडमधील डहाणूकर काॅलनी परिसरात राहायला आहेत. शनिवारी (२ मे) ज्येष्ठ नागरिक हे कोथरूड भागातील एका हाॅटेलमध्ये दुपारी बाराच्या सुमारास जेवण करण्यासाठी गेले होते. वारजेकडे जाणाऱ्या रस्त्यावर त्यांनी मोटार लावली होती. चोरट्यांनी मोटारीची काच फोडली. मोटारीत एका पिशवीत ठेवलेले नऊ लाख दहा हजार रुपयांचे सोन्याचे दागिने चोरून चोरटे पसार झाला. हाॅटेलमधून ज्येष्ठ नागरिक जेवण करुन बाहेर पडले. तेव्हा मोटारीची काच फोडल्याचा प्रकार उघडकीस आला. पोलिसांनी घटनास्थळी भेट दिली. हाॅटेलच्या परिसरातील सीसीटीव्ही चित्रीकरण पोलिसांनी तपासले असून, पोलीस उपनिरीक्षक घोडके तपास करत आहेत.
