बाणेरस्थित पुणे महानगरपालिका व आपुलकी हेल्थकेअर संस्थेच्या मेडिकलचे लोकार्पण
marathinews24.com
पुणे – कर्करोगाच्या विरोधात लढा देण्यासाठी आपण विविध पातळीवर प्रयत्न करत आहोत. पुणे महानगरपालिका आणि आपुलकी मेडिकल सेंटरच्या वतीने उभारण्यात आलेले हे केंद्र मैलाचा दगड ठरणार आहे. या मॉडेलच्या आधारावर भविष्यात असे अनेक रुग्णालयलये तयार करता येतील असे मत मुख्यमंत्री देवेंद्र फडणवीस यांनी आज व्यक्त केले. आपुलकी मेडिकल सेंटरच्या लोकार्पण सोहळ्याप्रसंगी बोलताना मुख्यमंत्री देवेंद्र फडवणीस यांनी व्यक्त केला.
आपुलकी हेल्थकेअर प्रायव्हेट लिमिटेड व पुणे महानगरपालिका यांच्या संयुक्त विद्यमाने पीपीपी (पब्लिक प्रायव्हेट पार्टनरशीप) तत्त्वावरील कॅन्सर व कार्डियाक संबंधीत अत्याधुनिक उपचार पद्धती उपलब्ध असलेल्या बाणेर स्थित आपुलकी मेडिकल सेंटरचा रविवारी (१७ मे २६) रोजी राज्याचे मुख्यमंत्री मा. ना. श्री. देवेंद्र फडणवीस यांच्या हस्ते लोकार्पण सोहळा संपन्न झाला. त्यावेळी ते बोलत होते.
मुख्यमंत्री पुढे म्हणाले की, आपुलकी मेडिकल सेंटर मॉडेलच्या आधारावर भविष्यात असे अनेक रुग्णालयलये तयार करता येतील. मागील काही वर्षांत कर्करोगाचे रुग्ण मोठ्या प्रमाणात वाढत आहेत. त्यासाठीच्या उपचाराचा खर्चही मोठा असतो. या परिस्थितीत पीपीपी तत्वावर उभारण्यात आलेले हे रुग्णालयात मोठा दिलासा देणारे ठरणार आहे. सीजीएसएचच्या माध्यमातून उपचार करण्याची तयारी दाखवली याबाबद्दल आपुलकी हेल्थ केअरचे आभार आहेत.
याप्रसंगी उपमुख्यमंत्री सुनेत्राताई पवार, खासदार मेधा कुलकर्णी, राज्याचे उच्च व तंत्रशिक्षण मंत्री चंद्रकांतदादा पाटील, आमदार भीमराव तारकीर, पुणे महानगपालिकेच्या महापौर मंजुषा नागपुरे, उपमहापौर परशुराम वाडेकर, स्थायी समिती अध्यक्ष श्रीनाथ भिमाले, गटनेते गणेश बिडकर, महापालिकेतील विरोधी पक्ष नेते निलेश निकम, पुणे महापालिका आयुक्त मा. नवलकिशोर राम, भाजपा शहराध्यक्ष धीरज घाटे, नगरसेवक यांची देखील प्रमुख उपस्थिती होती.
त्याआधी कोनशिला अनावरणानंतर मुख्यमंत्री व उपस्थित मान्यवरांनी आपुलकी मेडिकल सेंटर अत्याधुनिक सुविधांची पाहणी केली व समाधान व्यक्त केले. आपुलकी मेडिकल सेंटरचे चेअरमन डॉ. प्रितेश मुनोत व व्यवस्थापकीय संचालक पियुष राका यांनी मान्यवरांना मेडिकल सेंटरव उपलब्ध आधुनिक सुविधांची माहिती दिली.
पुणे महानगरपालिकेसोबत अशा पथदर्शी प्रकल्पाची उभारणीत केलेल्या कामगिरीसाठी यावेळी महापालिका सहायक आरोग्य प्रमुख डॉ. संजीव वावरे व आपुलकी हेल्थकेअर लिमिटेडचे सुनील नहार, सचिन नहार व रवी जैन यांचा मुख्यमंत्र्याच्या हस्ते सन्मान करण्यात आला.
पुणे व महाराष्ट्रभरातील नागरिकांना अत्याधुनिक- परवडणारी व जागतिक दर्जाची आरोग्य सेवा उपलब्ध करून देण्याच्या उद्देशाने बाणेर स्थित हे अत्याधुनिक, १५० खाटांचे कर्करोग आणि हृदयरोग रुग्णालय प्रकल्पाची उभारणी करण्यात आली आहे. या रूग्णालयातील सर्व क्लिनिकल सेवा सीजीएचएस (शासकीय दरानुसार) दरांवर दिल्या जाणार आहेत. ज्यामध्ये केंद्र आणि राज्य सरकारच्या प्रमुख आरोग्य सेवा योजनांची उपलब्धता असणार आहे. ज्यामुळे आर्थिकदृष्ट्या दुर्बल घटकांसाठी समावेशकता आणि प्रवेश योग्यता सुनिश्चित होणार आहे.
