राजमाता भुयारी मार्गाजवळील घटना
marathinews24.com
पुणे – शहरातील कात्रज ते नवले ब्रिज दरम्यान असलेल्या राजमाता भुयारी मार्गाजवळ रविवारी सकाळी रिक्षा चालकावर धारदार शस्त्राने हल्ला केल्याची धक्कादायक घटना घडली. या घटनेमुळे परिसरात काही काळ तणावाचे वातावरण निर्माण झाले होते. आंबेगाव पोलीस ठाण्याच्या हद्दीत दत्तनगर चौकात सकाळी सव्वा दहा वाजण्याच्या सुमारास हा प्रकार घडला. सुरज माणिक काळे (वय ३०, रा. जैन मंदिराजवळ, कात्रज, पुणे) असे जखमी रिक्षा चालकाचे नाव आहे.
पुण्यात एकाच दिवसांत दोन खूनाच्या घटनांनी खळबळ – सविस्तर बातमी
पोलिसांनी दिलेल्या माहितीनुसार, रिक्षात प्रवासी भरण्याच्या कारणावरून दोन ते तीन वर्षांपूर्वी जुन्या वादाच्या रागातून आरोपी बापू भोसले, गणेश गोरे आणि गणेश धरपाळे या तिघांनी सुरज काळे यांच्यावर धारदार हत्याराने हल्ला केला. या हल्ल्यात ते जखमी झाले असून त्यांच्यावर रुग्णालयात उपचार सुरू आहेत. रिक्षा चालकाची प्रकृती स्थिर असल्याची माहिती पोलिसांनी दिली आहे.
घटनेची माहिती मिळताच आंबेगाव पोलिसांनी तातडीने घटनास्थळी धाव घेतली. परिसरातील नागरिकांनीही मोठी गर्दी केली होती. आरोपींचा शोध घेण्यासाठी विशेष पथके रवाना केले आहे. आरोपींच्या शोधासाठी भोर आणि वेल्हा परिसरातही पोलिसांची पथके पाठवली आहेत. प्रकरणाचा तपास आंबेगाव पोलीस करत आहेत.
