निष्पक्ष चौकशी करून दोषींवर कारवाईचे आश्वासन
marathinews24.com
बीड (अनंत जाधव) – केज तालुक्यातील टाकळी येथील विलास घुले यांच्या हत्या प्रकरणाने बीड जिल्ह्यातील सामाजिक आणि राजकीय वर्तुळात खळबळ उडाली असून पुरवणी जबाबात सौरव सोनवणे यांचे आल्याने राजकीय वर्तुळातातील पुढाऱ्याची एका मेकांवर चांगलीच टीकेची झोड उठल्यामुळे चर्चांना उधाण आले असून जिल्हाभरात संतापाची लाट पसरली आहे. याप्रकरणी एसआयटी पथकाकडून तपासाला गती मिळालेली पाहायला मिळत आहे. माजी खासदार डॉ प्रितमताई मुंडे, माजी मंत्री धनंजय मुंडे यांनी घुले कुटूंबियांची भेट घेऊन धीर दिला आहे. दरम्यान, केज मतदारसंघाच्या आमदार नमिताताई मुदंडा यांनी शनिवारी (दि.२७) थेट टाकळी येथे जाऊन स्व. विलास घुले यांच्या कुटुंबीयांची सांत्वनपर भेट घेतली.
टीईटी पेपर फुटी प्रकरणाची शासनाकडून गंभीर दखल दोषींवर कठोर कारवाई केली जाईल – सविस्तर बातमी
आमदार नमिता मुंदडा, अक्षय मुंदडा यांनी कुटुंबीयांशी चर्चा करत झालेल्या हत्या प्रकरणाची माहिती घेतली. या प्रकरणात न्याय मिळावा, अशी अपेक्षा व्यक्त करत या कठीण प्रसंगी कुटुंबीयांना धीर दिला. या घटनेची निष्पक्ष चौकशी करून दोषींवर कठोर कारवाई केली जाईल, असे आश्वासन मुंदडा यांनी पीडित घुले कुटुंबीयांना दिले. विलास घुले प्रकरणामुळे परिसरात संतापाचे वातावरण निर्माण झाले असून विविध राजकीय नेते आणि सामाजिक संघटनांकडून कुटुंबीयांची भेट घेऊन न्यायाची मागणी केली जात आहे. यावेळी उपस्थित युवा नेते अक्षय मुंदडा, राहूल गदळे, विष्णू घुले यांच्यासह गावातील ग्रामस्थ व तालुक्यातील कार्यकर्ते मोठ्या संख्येने उपस्थित होते.
