भारती विद्यापीठ पोलिसांची कारवाई
marathinews24.com
पुणे – शहरातील वडगाव बुद्रुक भागातील सिंहगड महाविद्यालयाच्या परिसरात दहशत माजविणारा गुंड मनोज पाडुळे याने बांधलेल्या बेकायदा हाॅटेलवर बुलढोझर चालवून पाडण्यात आले. पाडुळे आणि साथीदारांविरुद्ध भारती विद्यापीठ पोलिसांनी महाराष्ट्र संघटित गुन्हेगारी नियंत्रण कायद्यान्वये (मकोका) कारवाई केली होती.
पुरावा मिळू नये म्हणून बॉयफ्रेंड-गर्लफ्रेंडने रचला कट – सविस्तर बातमी
‘सिंहगड महाविद्यालयाच्या परिसरात पाडुळे याने बेकायदा हाॅटेल बांधले होते. या भागातील मोकळ्या जागेवर बांधण्यात आलेल्या हाॅटेल व्यवसायातून पाडुळे टोळीला आर्थिक रसद मिळत होती. मकोका कारवाई केल्यानंतर तो फरार झाला असून, या टोळीला मिळणारी आर्थिक रसद तोडण्यासाठी बेकायदा हाॅटेलवर कारवाई करण्यात आली’, अशी माहिती भारती विद्यापीठ पोलीस ठाण्याचे वरिष्ठ पोलीस निरीक्षक मानसिंग पाटील यांनी दिली. वडगाव बुद्रुकमधील सिंहगड महाविद्यालयाच्या परिसरात पाडुळे टोळीची दहशत आहे. पाडुळे याने मोकळ्या जागेत बेकायदा मातोश्री नाावचे हाॅटेल बांधले होते. हाॅटेलमध्ये पाडुळे आणि साथीदार नियमित भेटायचे. तेथे गुन्हेगारी कट आखायचे. पाडुळे याच्याविरुद्ध खून, खुनाचा प्रयत्न, खंडणी, मारहाण असे गंभीर स्वरुपाचे १५ गुन्हे दाखल आहेत, अशी माहिती पोलिसांनी दिली.
