मांजरी परिसरातील घटना
marathinews24.com
पुणे – तरुणाला सतत मानसिक त्रास देणे, धमकावणे आणि वेळोवेळी अपमानित केल्यामुळे तरुणाने विष पिऊन आत्महत्या केल्याची घटना ४ जुलैला मांजरी परिसरात घडली आहे. याप्रकरणी बारामती येथील व्यक्तीसह इतर नऊ जणांवर गुन्हा दाखल केला आहे. घटनेमुळे परिसरात हळहळ व्यक्त केली जात आहे.
पुण्यात एकाचवेळी ५ सराईतांना तडीपारीचा दणका – सविस्तर बातमी
धनराज जयवंत पिसाळ असे आत्महत्या केलेल्या तरूणाचे नाव आहे. याप्रकरणी सतीश हरिश्चंद्र पिसाल (वय ४३, रा. फोंडावाडा, माळवाडी, ता. बारामती, जि. पुणे) व इतर आठ जणांवर मांजरी पोलिस ठाण्यात गुन्हा दाखल केला आहे. आशा जयवंत पिसाल (वय ५४, रा. लेन नं. ०३, आनंदनगर सोसायटी, माळवाडी, हडपसर, पुणे) यांनी फिर्याद दिली आहे.
पोलिसांनी दिलेल्या माहितीनुसार, आरोपी सतीश पिसाल आणि त्याच्या इतर आठ सहकाऱ्यांनी संगनमत करून फिर्यादी आशा पिसाल यांच्या कुटुंबाचे प्रचंड आर्थिक नुकसान केले होते. एवढेच नव्हे तर आरोपी फिर्यादी आणि त्यांच्या मुलांना सातत्याने घरी व सार्वजनिक ठिकाणी येऊन धमकावत होते. वेळोवेळी प्रचंड अपमानित करत होते. सततच्या छळाला व मानसिक छळाला कंटाळून धनराजने आत्महत्येसारखे टोकाचे पाऊल उचलले. आरोपींच्या सततच्या दबावाला कंटाळून पुणे-सोलापूर रस्त्यावरील गंधर्व लॉजजवळ त्याने विष प्राशन केले. गंभीर अवस्थेत त्याला उपचारासाठी रुग्णालयात दाखल केले होते, मात्र उपचारादरम्यान त्याचा मृत्यू झाला. याप्रकरणी पोलिसांनी आत्महत्येस प्रवृत्त केल्याप्रकरणी गुन्हा नोंदवून तपास सुरू केला आहे.
