फसवणूकीतील रक्कम घेण्यासाठी वापरली बँकखाती
marathinews24.com
पुणे – सायबर चोरट्यांनी शक्कल लढवित बँक खातेधारकांना आमिष दाखवून त्यांचे अकाउंट वापरण्यास घेत लाखो रूपयांचे गैरव्यवहार केल्याचे तपासात उघडकीस आले आहे. त्याबदल्यात संबंधितांना काही रक्कम देण्यात आली होती. संबंधित डेटा इंडिया सायबर कॉपरेशन सेंटर दिल्लीने पुणे सायबर विभागाला वर्ग केला आहे. त्यानुसार आता त्या बँक खातेधारकांविरूद्ध गुन्हे दाखल करण्यात येत आहेत.
वाहने चोरणारा अल्पवयीन ताब्यात, ४ गाड्या जप्त – सविस्तर बातमी
सायबर चोरट्यांनी मिळवलेली रक्कम स्वतःच्या बँकखात्यात न घेता, इतरांच्या बँकखात्यात वर्ग केली आहे. त्यांना काही रक्कम देउन पुन्हा संबंधित रक्कम आपल्या खात्यात जमा करून घेतली आहे. मागील काही दिवसांपासून पुण्यातील विविध पोलीस ठाण्यातंर्गत बँकखातेधारकांनी अशा प्रकारे लाखो रूपयांचे व्यवहार केल्याचे तपासात उघडकीस आले आहे. त्यामुळे संबंधितांविरूद्ध आता गुन्हे दाखल करण्यात येत असून, दरदिवशी बँकखातेधारकांविरूद्ध कारवाईचा वेग वाढविण्यात आला आहे.
चतुःशृंगी पोलीस ठाण्याच्या हद्दीत अशाच प्रकारे गुन्हा दाखल करण्यात आला आहे. इंडियन बँक खातेधारकाने बँकखाते सुरू केले होते. त्याचा वापर सायबर चोरट्यांनी स्वतःच्या फायद्यासाठी केला आहे. कनार्टकातील सायबर फसवणूकीतील २० लाख ४६ हजारांचा अपहार यामध्ये करण्यात आला आहे. तर मुंढव्यातही अशाच पद्धतीने एस बँक खातेधारकाने अकाउंट उघडले होते. त्याद्वार आर्थिंक व्यवहार करून देशातील १२ नागरिकांची ११ लाख ३५ हजारांची फसवणूक केली आहे. याप्रकरणी वरिष्ठ पोलीस निरीक्षक स्मिता वासनिक तपास करीत आहेत.
फायनान्सच्या बँकखात्याचा गैरवापर केला
एयू स्मॉल फायनान्स बँक खातेधारकाने अकाउंट उघडून ते बँकखाते संघटित सायबर गुन्हेगारी करणार्‍या टोळीस वापरण्यास दिले होते. सायबर फसवणूकीतील रक्कम स्वीकारण्यासाठी त्या बँकखात्याचा वापर करण्यात आला आहे. त्याद्वारे देशातील ५ नागरिकांकडील सायबर फसवणूकीतील २ कोटी ६६ लाख ५५ हजारांची रकमेचा व्यवहार केल्याचे तपासात उघडकीस आले आहे. याप्रकरणी हडपसर पोलीस ठाण्यात गुन्हा दाखल करण्यात आला असून, पोलीस निरीक्षक नीलेश जगदाळे तपास करीत आहेत.
