चार अनोळखी महिलांविरुद्ध गुन्हा दाखल
marathinews24.com
पुणे – बँकेचा फॉर्म भरण्याची बतावणी करीत तीन ते चार महिलांनी जेष्ठ महिलेच्या हातातील पर्स हिसकावून नेली. ही घटना २१ ऑगस्टला दुपारी साडेबाराच्या सुमारास येरवड्यातील सेंट्रल बँक ऑफ इंडिया बँकेसमोर घडली आहे. याप्रकरणी लोहगावात राहणार्या महिलेने लक्ष्मीनगर पोलीस ठाण्यात फिर्याद दाखल केली आहे. त्यानुसार चार अनोळखी महिलांविरुद्ध गुन्हा दाखल करण्यात आला आहे.
इन्शुरन्सचा हप्ता भरण्याच्या नावाखाली लुटले – सविस्तर बातमी
पोलिसांनी दिलेल्या माहितीनुसार, तक्रारदार महिला लोहगावात राहायला असून, २१ ऑगस्टला दुपारी साडेबाराच्या सुमारास येरवड्यातील सेंट्रल बँक ऑफ इंडियाच्या बँकेसमोर उभ्या होत्या. त्यावेळी आलेल्या चौघा महिलांनी तक्रारदार महिलेला बँकेचा फॉर्म भरून देण्याच्या बतावणीने त्यांच्याकडील पर्स हिसकावून नेली. पर्समध्ये ३९ हजारांची रोकड असल्याचे तक्रारीत नमुद केले आहे. याप्रकरणी सहायक पोलीस निरीक्षक दत्तात्रय लिगाडे तपास करीत आहेत.
नारायण पेठेत भरदिवसा घरफोडी
भरदिवसा बंद फ्लॅटचे कुलूप तोडून चोरट्यांनी रोकडसह सोन्या-चांदीचे दागिने मिळून ६८ हजारांचा ऐवज चोरुन नेला. ही घटना २७ ऑगस्टला सकाळी नउच्या सुमारास नारायण पेठेत घडली आहे. याप्रकरणी संबंधिताने विश्रामबाग पोलीस ठाण्यात फिर्याद दाखल केली आहे. त्यानुसार अज्ञात चोरट्याविरूद्ध गुन्हा दाखल केला आहे.
पोलिसांनी दिलेल्या माहितीनुसार, तक्रारदार हे नारायण पेठेत राहायला असून, २७ ऑगस्टला सकाळी नउ ते संध्याकाळी सहावाजेपर्यंत ते फ्लॅट बंद करुन बाहेर गेले होते. त्यावेळी चोरट्याने त्यांच्या फ्लॅटचे कुलूप तोडून ११ हजार ५०० रुपयांची रोकड, सोन्या-चांदीचे दागिने असा मिळून ६८ हजारांचा ऐवज चोरुन नेला. बाहेरुन आल्यानंतर तक्रारदाराला घरात चोरी झाल्याचे दिसून आले. त्यानंतर त्यांनी पोलीस ठाण्यात धाव घेतली. याप्रकरणी पोलीस उपनिरीक्षक स्वरुपा नाईकवाडे तपास करीत आहेत.
