दाम्पत्याविरुद्ध गुन्हा
marathinews24.com
पुणे – उधारीवर किराणा माल न दिल्याने किराणा माल विक्रेत्याला मारहाण करण्यात आल्याची घटना हडपसर भागात घडली. याप्रकरणी एका दाम्पत्याविरुद्ध गुन्हा दाखल केला. दाम्पत्याने किराणा माल विक्रेत्या महिलेला वीट फेकून मारल्याने त्या जखमी झाल्या. सीमादेवी रामबाबू पटेल (वय ३६, रा. केशव चौक, माळवाडी, हडपसर) असे जखमी झालेल्याचे महिलेचे नाव आहे. त्यांनी दिलेल्या फिर्यादीनुसार, सोेहेल बळीराम कांबळे (वय २५), त्याची पत्नी नीलू (वय २३, रा. केशव चौक, माळवाडी, हडपसर) यांच्याविरुद्ध गुन्हा दाखल करण्यात आला आहे.
पीएमपीचा बनावट पास तयार करुन फसवणूक – सविस्तर बातमी
पोलिसांनी दिलेल्या माहितीनुसार, पटेल यांचे हडपसरमधील माळवाडी भागात श्रीराम सुपर मार्केट हे किराणा माल विक्री दुकान आहे. आराेपी दाम्पत्य हे ३ ऑगस्ट रोजी रात्री दहाच्या सुमारास पटेल यांच्या दुकानात आले. आरोपींनी त्यांच्याकडे उधारीवर किराणा माल मागितला. तेव्हा आरोपी दाम्पत्याने त्यांना शिवीगाळ करुन धक्काबुक्की केली. आरोपी महिलेने पटेल यांच्या डोक्यात वीट मारल्याने त्या जखमी झाल्या. पोलीस हवालदार कचरे तपास करत आहेत.
