जेष्ठाला १३ लाखांचा ऑनलाईन गंडा
marathinews24.com
पुणे – शेअर ट्रेडींगमध्ये गुंतवणूक केल्यास चांगला परतावा मिळवून देण्याची बतावणी करीत सायबर चोरट्यांनी जेष्ठ नागरिकाच्या बँकखात्यातून तब्बल १३ लाख ६ हजार रूपये वर्ग करून घेत फसवणूक केली आहे. ही घटना १२ ऑगस्ट ते २४ नोव्हेंबर २०२४ कालावधीत नारायण पेठेत घडली आहे. याप्रकरणी ६६ वर्षीय तक्रारदाराने विश्रामबाग पोलीस ठाण्यात फिर्याद दाखल केली आहे.
डेक्कन परिसरात मेडीकलमध्ये चोरी, सव्वा लाखांची रोकड चोरीला – सविस्तर बातमी
पोलिसांनी दिलेल्या माहितीनुसार, तक्रारदार हे नारायण पेठेत राहायला असून, १२ ऑगस्ट २०२४ रोजी सायबर चोरट्यांनी त्यांना संपर्क केला. शेअर ट्रेडींगमध्ये गुंतवणूक केल्यास चांगला परतावा मिळवून देण्याची बतावणी केली. त्यानंतर सायबर चोरट्यांनी जेष्ठाचा विश्वास संपादित केला. त्यानुसार त्यांनी गुंतवणूकीला प्रारंभ केला. अवघ्या सव्वा दोन महिन्यात १३ लाखांवर रूपये त्यांनी संबंधिताच्या बँकखात्यात वर्ग केले. फसवणूक झाल्याचे लक्षात आल्यानंतर तक्रारदाराने विश्रामबाग पोलीस ठाण्यात धाव घेत तक्रार दाखल केली. याप्रकरणी वरिष्ठ पोलीस निरीक्षक विजयमाला पवार करीत आहेत.
