भारतीय संविधानाच्या ७५ व्या वर्षपूर्ती निमित्त “आपल्या संविधानाची पंचाहत्तरी विशेष” कार्यक्रमाचे आयोजन
marathinews24.com
धाराशिव – कल्याणराव भातलवंडे हायस्कूलमध्ये अनुलोम संस्थेच्या वतीने भारतीय संविधानाच्या ७५ व्या वर्षपूर्ती निमित्त “आपल्या संविधानाची पंचाहत्तरी विशेष” कार्यक्रमाचे आयोजन करण्यात आले. या कार्यक्रमात परांडा कोर्टात कार्यरत असलेले अॅड. निरंजन नागनाथ कोकणे यांनी विद्यार्थ्यांना संविधानाची माहिती दिली. त्यांनी व्हिडीओ, पीपीटी सादरीकरण आणि व्याख्यानाच्या माध्यमातून संविधानाची माहिती विद्यार्थ्यांपर्यंत पोहोचवली.
भक्त प्रल्हादराय आणि श्री राघवेंद्र स्वामी यांची भेट – सविस्तर बातमी
प्रमुख वक्ते निरंजन नागनाथ कोकणे नामदेव यांनी विद्यार्थ्यांच्या प्रश्नांना उत्तरं देत, संवादात्मक पद्धतीने संविधान समजून सांगितलं. विद्यार्थ्यांनीही प्रश्नोत्तर सत्रात उत्साहाने सहभाग घेतला. कार्यक्रमाची सुरुवात जनसेवक अक्षय देशमुख यांच्या प्रस्तावनेने झाली. त्यांनी ‘अनुलोम’ या संस्थेची माहिती दिली. विद्यार्थ्यांना संविधानाविषयीची प्रश्नावलीही भरून देण्यात आली.
कार्यक्रमाच्या शेवटी आभार प्रदर्शन करण्यात आले. या वेळी अनुलोम मित्र कृष्णा चौधरी, समाधान आलदर तसेच शाळेतील शिक्षक व शिक्षकेतर कर्मचारी उपस्थित होते.
