ढोले पाटील ज्युनियर कॉलेजचे विद्यार्थी यशस्वी
marathinews24.com
पुणे – शालेय जिल्हास्तर कुस्ती स्पर्धा २०२५-२६ मध्ये ढोले पाटील एज्युकेशन सोसायटीच्या ढोले पाटील ज्युनियर कॉलेज ऑफ आर्ट्स, कॉमर्स अँड सायन्सच्या विद्यार्थ्यांनी उल्लेखनीय कामगिरी केली आहे. पुणे महानगरपालिका शिक्षण विभाग व जिल्हा क्रीडा परिषद, पुणे यांच्या संयुक्त विद्यमाने स्पर्धा आयोजित करण्यात आली होती.
खरीप हंगामात शेतकऱ्यांना बियाणे व निविष्ठा वेळेत उपलब्ध – सविस्तर बातमी
स्पर्धेत महाविद्यालयातील विद्यार्थी अर्जुन वर्पे याने ८० किलो वजनी गटात प्रथम क्रमांक पटकावला असून त्याची विभागीय स्पर्धेसाठी निवड झाली आहे. तर गुरप्रित सिंग याने ९२ किलो वजनी गटात द्वितीय क्रमांक मिळवून महाविद्यालयाचा मान उंचावला आहे. उल्लेखनीय यशाबद्दल संस्थेचे चेअरमन सागर ढोले पाटील यांनी विद्यार्थ्यांचे मनःपूर्वक अभिनंदन केले. विद्यार्थ्यांना पुढील वाटचालीसाठी शुभेच्छा दिल्या. प्राचार्य विठ्ठल गायकवाड, महाविद्यालयातील प्राध्यापक, विभाग प्रमुखांनीही विद्यार्थ्यांचा गौरव केला.
