पर्वती पोलिसांची कामगिरी
marathinews24.com
पुणे – पायी चालणार्या महिलेच्या गळयातील मंगळसुत्र हिसकावून नेणार्या दुचाकीस्वार चोरट्यांना पर्वती पोलिसांनी अटक केली. त्यांच्याकडून पाच ग्रॅम वजनाचे मंगळसूत्र, दुचाकी असा १ लाख ११ हजारांचा ऐवज जप्त केला आहे. रोहन प्रभू तुपारे (वय २० रा. त्रिमुर्ती नगर, नविन पदमवातीनगर, अपर बिबवेवाडी ) आणि केशव ईश्वर कुंभार (वय १८ रा. खोपडे नगर चक्की कारखाना, महांगडेवाडी) अशी अटक केलेल्यांची नावे आहेत.
सोशल मीडियावर झालेली ओळख महागात, तरूणीवर लैंगिक अत्याचार – सविस्तर बातमी
तक्रारदार महिला १५ ऑगस्टला तुळशीबागवाले कॉलनी परिसरातून पायी जात होती. त्यावेळी दुचाकीस्वार दोघा चोरट्यांनी महिलेच्या गळयातील सोन्याचे मंगळसुत्र हिसकावुन नेले होते. याप्रकरणी पर्वती पोलिसांकडून तपास केला जात होता. त्यावेळी पोलीस अंमलदार प्रकाश मरगजे, राकेश सुर्वे, अमित चिव्हे यांना चोरट्यांची माहिती मिळाली. त्यानुसार पोलीस निरीक्षक अनिता हिवरकर यांच्या मार्गदर्शनाखाली तपास पथकाचे उपनिरीक्षक किरण पवार यांच्या पथकाने दोघांना अटक केली.
चोरट्यांच्या ताब्यातुन ५ ग्रॅम वजनाची सोन्याची लगड, दुचाकी असा १ लाख ११ हजारांचा ऐवज जप्त केला. ही कामगिरी अपर आयुक्त राजेश बनसोडे, उपायुक्त संभाजी कदम, एसीपी अजय परमार यांच्या मार्गदर्शनाखाली वरिष्ठ पोलीस निरीक्षक नंदकुमार गायकवाड, पोलीस निरीक्षक अनिता हिवरकर, उपनिरीक्षक किरण पवार, पोलीस अंमलदार प्रकाश मरगजे, राकेश सुर्वे, अमित चिव्हे, महेश मंडलिक, सुर्या जाधव, श्रीकांत शिंदे, अमोल दबडे, नानासो खाडे, मनोज बनसोड, सद्दाम शेख, यांनी केली.
