पर्वती पोलिसांनी केली अटक
marathinews24.com
पुणे – दहशत माजविण्यासाठी पिस्तूल बाळगणाऱ्या सराइताला पर्वती पोलिसांनी अटक केली. त्याच्याकडून देशी बनावटीचे पिस्तूल, काडतूस जप्त करण्यात आले. अजित सागर कसबे (वय २१, रा. विघ्नहर्ता सोसायटी, आंबेगाव पठार, धनकवडी) असे अटक करण्यात आलेल्याचे नाव आहे. कसबे याच्याविरुद्ध गंभीर स्वरुपाचे गुन्हे दाखल आहेत. दहशत माजविण्यासाठी त्याने पिस्तूल बाळगले असल्याची माहिती पोलीस हवालदार महेश मंडलिक यांना मिळाली.
जयराम चाटे-कृष्णा आंधळेच्या साथीदारांकडून तरुणाला जिवे मारण्याचा प्रयत्न – सविस्तर बातमी
गस्त घालणाऱ्या पोलिसांच्या पथकाने सापळा लावून त्याला पकडले. त्याच्याकडून देशी बनावटीचे पिस्तूल आणि एक काडतूस जप्त करण्यात आले. परिमंडळ दोनचे पोलीस उपायुक्त मिलिंद मोहिते, सहायक आयुक्त धन्यकुमार गोडसे यांच्या मार्गदर्शनाखाली वरिष्ठ पोलीस निरीक्षक राजेंद्र सहाणे, गुन्हे शाखेच्या पोलीस निरीक्षक अनिता हिवरकर, उपनिरीक्षक किरण पवार, पोलीस कर्मचारी प्रकाश मरगजे, सूर्या जाधव, अमित चिव्हे, मनोज बनसोड, राकेश सुर्वे, सद्दाम शेख, अमोल दबडे यांनी ही कारवाई केली.
