आळंदी-पुणे रस्त्यावर काळे पेट्रोल पंपासमोर घडली घटना
marathinews24.com
पिंपरी : संत ज्ञानेश्वर महाराजांच्या पालखी सोहळ्यात सहभागी झालेल्या एका बिल्डरच्या गळ्यातील नऊ लाखांची सोन्याची चैन चोरी केल्याप्रकरणी एकावर गुन्हा दाखल करण्यात आला आहे. तसेच या चोराने पालखी सोहळ्यात सहभागी आठ महिला आणि एका पुरूषाच्या गळ्यातील सोन्याची चैन चोरल्याचा संशय आहे. ही घटना शुक्रवारी आळंदी-पुणे रस्त्यावर काळे पेट्रोल पंपासमोर घडली. याप्रकरणी शैलेंद्र मोहन पाटील (वय ६०, रा. कळंबोली, ता. पनवेल, जि. रायगड) यांनी दिघी पोलीस ठाण्यात फिर्याद दिली आहे.
खिशात हात घालून रोख १५ हजार पळविले – सविस्तर बातमी
त्यानुसार सिद्धार्थ संजय जाधव (वय २४, रा. शिरपूर, ता. शिरूर, जि. बीड) याच्यावर गुन्हा दाखल करण्यात आला आहे. फिर्यादी हे संत ज्ञानेश्वर महाराजांच्या पालखी सोहळ्यात सहभागी झाले होते. गर्दीचा फायदा घेत आरोपीने फिर्यादी यांच्या गळ्यातील ९ लाख किमंतीची ९० ग्रॅम वजनाची सोन्याची चैन व लॉकेट चोरले. त्याचप्रमाणे आरोपीने आठ महिला आणि एका पुरूषाच्या गळ्यातील सोन्याची चैन चोरून नेल्याचा संशय पोलिसांना आहे. दिघी पोलीस तपास करीत आहेत.
