मुळशी तालुक्यातील कातरखडक गावातील घटना
marathinews24.com
पुणे – रस्त्याच्या कडेला असलेल्या घरावर डंपर आदळल्याची घटना गुरुवारी सकाळी मुळशी तालुक्यातील कातरखडक गावात घडली. या घटनेत ५० वर्षांच्या महिलेचा मृत्यू झाला. याप्रकरणी डंपर चालकाविरुद्ध पौड पोलीस ठाण्यात गुन्हा दाखल करण्यात आला. नंदा मालपोटे (वय ५०, रा. कातरखडक, ता. मुळशी जि. पुणे ) असे मृत्यमुुखी पडलेल्या महिलेचे नाव आहे. मालपोटे यांच्या मुलाने पौड पोलीस ठाण्यात फिर्याद दिली आहे.
लोहगाव परिसरात गोदामाला आग; साहित्य जळून खाक – सविस्तर बातमी
पोलिसांनी दिलेल्या माहितीनुसार, मुळशी तालुक्यात वर्तुळाकार मार्गाचे काम सुरू आहे. या कामासाठी वाळू घेऊन निघालेल्या डंपर चालकाचे कातरखडक गावातील वळणावर नियंत्रण सुटले. वळणावर मालपोटे यांचे घर आहे. डंपर थेट घरात शिरला. डंपरच्या धडकेत भिंत कोसळली. राडारोड्याखाली दबल्याने मालपोटे यांच्यासह आणखी महिला जखमी झाली. या घटनेची माहिती मिळताच ग्रामस्थ, तसेच पोलिसांनी घटनास्थळी धाव घेतली. राडारोड्याखाली अडकलेल्या मालपोटे यांच्यासह एका महिलेला बाहेर काढण्यात आले. गंभीर जखमी झालेल्या मालपोटे यांना तातडीने रुग्णालयात दाखल करण्यात आले. उपचारांदरम्यान त्यांचा मृत्यू झाला.
