भारती विद्यापीठ पोलिसांची कामगिरी
marathinews24.com
पुणे – पावसामध्ये चमकलेल्या वीजेच्या प्रकाशातून भारती विद्यापीठ पोलिसांनी महिलेच्या खुनाची उकल केली आहे. याप्रकरणी तब्बल ३२० सीसीटीव्ही फुटेज तपासून आरोपीला उत्तर प्रदेशातून ताब्यात घेत बेड्या ठोकल्या आहेत. चोरीच्या उद्देशाने त्याने महिलेकडील ऐवज लुटण्याचा प्रयत्न केला. मात्र, तिने आरडाओरड केल्यामुळे आरोपीने महिलेच्या डोक्यात दगड मारून खून केल्याचे उघडसकी आहे.
लोणावळा परिसरात वाहतूक बदलाबाबतचे तात्पुरते आदेश जारी – सविस्तर बातमी
शाहरुख शकील मन्सुर ( वय २७ रा. मुळ गाव अमखेरा, शहाजपुर, दमपुर, बिजनोर, उत्तरप्रदेश सध्या रा. हडपसर) असे अटक केलेल्या आरोपीचे नाव आहे. अशी माहिती पोलीस उपायुक्त स्मार्तना पाटील यांनी पत्रकार परिषदेत दिली. यावेळी सहायक आयुक्त राहूल आवारे, पोलीस निरीक्षक राहुल कुमार खिलारे उपस्थित होते.
आंबेगाव बुद्रूक परिसरात २० मे रोजी एका महिलेच्या डोक्यात मारहाण करून तिचा खून केल्याचे उघडकीस आले होते. याप्रकरणी पोलीस निरीक्षक सावळाराम साळगांवकर यांच्या मार्गदर्शनाखाली पोलीस निरीक्षक गुन्हे राहुलकुमार खिलारे यांच्या मार्गदर्शनाखाली उपनिरीक्षक निलेश मोकाशी खून झालेल्या महिलेची ओळख पटविली. तिचे नाव प्रीती वाखारे वय ३५ असल्याचे स्पष्ट झाल्यानंतर पथकाने तिच्या मोबाईलचे तांत्रिक विश्लेषण केले.
त्यानुसार कोल्हेवाडी ते नवले पुलापर्यंचे १०० सीसीटीव्ही कॅमेरे तपासले असता, महिला दुचाकी गाडीवर बसुन नवले पुलावर गेल्याचे दिसून आले. दरम्यान, २० मे रोजी मु सळधार पावसामुळे रस्त्यावरील लाईट अपुरी असल्यामुळे तपासात अडथळा निर्माण झाला होता. सीसीटीव्ही कॅमेर्‍यांची बारकाईने पाहणी केली असता, वीज चमकल्यामुळे झालेल्या प्रकाशात महिला रिक्षामध्ये बसताना दिसुन आली.
तपास पथकाने रिक्षाच्या काळ्या रंगाच्या हुडवरून आरटीओकडून क्रमांक मिळविला. पुणे शहरामध्ये रजिस्टर असलेल्या १० हजार ७९४ रिक्षांची माहीती प्राप्त केली. तब्बल १ हजार २०० रिक्षांची वाहतुक विभागाकडुन झालेल्या दंडात्मक कारवाईचे चलनावरुन रिक्षाचे दोन्ही बाजूचे फोटो प्राप्त केले. १५० सीसीटीव्ही कॅमेरांद्वारे रिक्षाचा शोध घेतला. आरोपी शाहरुख मन्सुर याने खून केल्याचे उघडकीस आले.
पथकाने पुणे ते अमखेरा, शहाजपुर, धामपुर, बिजनोर, उत्तरप्रदेश असे ३ हजार २०० किलोमीटर अंतर कापून आरोपी शाहरुख शकील मन्सुर याला ९ जूनला अटक केली. ही कामगिरी पोलीस आयुक्त अमितेश कुमार, सहआयुक्त रंजनकुमार शर्मा, अपर आयुक्त राजेश बनसोडे, उपायुक्त स्मार्तना पाटील, एसीपी राहुल आवारे, वरिष्ठ पोलीस निरीक्षक सावळाराम साळगांवकर, पोलीस निरीक्षक (गुन्हे) राहुलकुमार खिलारे, उपनिरीक्षक निलेश मोकाशी, राहुल शेडगे, नागेश पिसाळ, नरेंद्र महांगरे, महेश बारवकर, मंगेश पवार, सचिन सरपाले, अवधुत जमदाडे, अभिनय चौधरी, तुकाराम सुतार, संदीप आगळे, सागर बोरगे, मितेश चोरमोले, किरण साबळे, निलेश खैरमोडे, धनाजी धोत्रे, सचिन गाडे यांनी केली.
