नगर रोडवरील केसनंद रोडवर झाला अपघात
marathinews24.com
पुणे – समोरून आलेल्या भरधाव अज्ञात वाहनाने दिलेल्या धडकेत दुचाकीस्वार तरुणाचा मृत्यू झाला. अपघातानंतर वाहन चालक घटनास्थळी न थांबता तसेच त्याची खबर न देता पसार झाला. हा अपघात गेल्या आठवड्यात नगर रोडवरील केसनंद रोडवर झाला असून, याप्रकरणात आता गुन्हा नोंद केला आहे. विशाल आजिनाथ शेकडे (वय २४, रा. वाघोली) असे मृत्यू झालेल्या तरुणाचे नाव आहे. याप्रकरणी महिला पोलिस शिपाई शामबाला पांडव (वय ३०) यांनी तक्रार दिली आहे. त्यानूसार वाघोली पोलिस ठाण्यात गुन्हा नोंद केला आहे.
मोक्काच्या गुन्ह्यात ९ महिन्यांपासून फरार आरोपी जेरबंद – सविस्तर बातमी
पोलिसांच्या माहितीनुसार, विशाल शेकडे हा त्याच्या दुचाकीवरून (दि. ३ मार्च) रात्री आठच्या सुमारास केसनंद रोडने जात होता. तेव्हा आर्युवेदीक मेडीकल कॉलेजच्या गेटसमोरच भरधाव समोरून आलेल्या वाहनाने त्याच्या दुचाकीला जोराची धडक दिली. या धडकेत गंभीर मार लागल्याने विशाल याचा दुर्दैवी मृत्यू झाला. दरम्यान, पसार झालेल्या चालकाचा पोलिसांकडून शोध घेत आहेत. अधिक तपास वाघोली पोलिस करत आहेत.
