चौघांविरूद्ध गुन्हा, वडगाव बुद्रूक परिसरातील घटनेने खळबळ
marathinews24.com
पुणे – गावाकडे जाण्यासाठी ट्रॅव्हर्ल्स बसस्टॉपपर्यंत खासगी मोटारीतून प्रवास करणार्‍या तरूणाला टोळक्याने बेदम मारहाण करीत लुटले आहे. चोरट्यांनी त्याच्याकडील २ हजारांची रोकड, सोन्याचे दागिने असा ३५ हजारांचा ऐवज चोरून नेला आहे. ही घटना ३० मे रोजी रात्री बाराच्या सुमारास वडगाव बुद्रूक ते ससेवाडी प्रवासादरम्यान घडली आहे. याप्रकरणी स्वरूप अक्षय कदम (वय २५, रा. नर्‍हेगाव, पुणे ) यांनी सिंहगड रस्ता पोलीस ठाण्यात फिर्याद दाखल केली आहे. त्यानुसार चार अनोळखी चोरट्यांविरूद्ध गुन्हा दाखल करण्यात आला आहे.
महिलेच्या पिशवीतून ३ लाखांच्या दागिन्यांची चोरी – सविस्तर बातमी
पोलिसांनी दिलेल्या माहितीनुसार, तक्रारदार स्वरूप कदम हे नर्‍हेगावात राहायला असून कामानिमित्त ते ३० मे रोजी रात्री बाराच्या सुमारास कोल्हापूरला जाण्यासाठी वडगाव बुद्रूक परिसरात थांबले होते. त्यावेळी मोटारीतून आलेल्या चौघांनी त्यांना ट्रॅव्हल्स थांबत असलेल्या ससेवाडी परिसरात सोडतो असे सांगून गाडीत बसविले. काही अंतरावर गाडीतील टोळक्याने स्वरूपला बेदम मारहाण करायला सुरूवात केली. त्यांना धमकावून २ हजारांची रोकड, कानातील सोन्याची बाळी असा ३५ हजारांचा ऐवज काढून घेतला. त्यानंतर त्यांना रस्त्यावर सोडून देत टोळके मोटारीतून पसार झाले आहे.
लिफ्टच्या बहाण्याने यापुवीही लुटमारीच्या घटना
रस्त्यालगत वाहनांची वाट पाहत थांबलेल्या नोकरदारासह चाकरमान्यांना रात्रीच्या सुमारास लिफ्टच्या बहाण्याने चोरट्यांनी लुटल्याच्या अनेक घटना घडल्या आहेत. विशेषतः उपनगरातून प्रवास करणार्‍या तरूणांना चोरट्यांनी टारगेट केले असून, त्यांच्या गळ्यातील सोनसाखळी, कानातील सोन्याच्या बाळ्या पाहून लुटमार केली जात आहे. त्यामुळे प्रवासावेळी नागरिकांनी मौल्यवान ऐवज सोबत बाळगू नये, दिखाउपणासाठी अंगावरील सोने लुटमारीला कारणीभूत ठरत असल्याचमुळे चिंता व्यक्त केली जात आहे. दरम्यान, स्थानिक पोलिसांकडून रात्रगस्तीला होणारी हाराकिरीमुळे चोरट्यांच्या फावल्याची चर्चा नागरिकांमध्ये आहे.
