तिघींविरूद्ध गुन्हा दाखल
marathinews24.com
पुणे – रूममेटच्या जाचाला कंटाळून १९ वर्षीय मुलीने पंख्याला गळफास घेउन आत्महत्या केल्याची धक्कादायक घटना ९ मार्चला सकाळी साडेसातच्या सुमारास चंदननगरमधील विठ्ठलनगरातील अरिहंत कॉम्प्लेक्स महावीर सोसायटीत घडली. याप्रकरणी तरूणीला आत्महत्या करण्यास प्रवृत्त केलेल्या तिघांविरूद्ध चंदननगर पोलिसांनी गुन्हा दाखल केला आहे.
सोने कमी किंमतीत देण्याची बतावणी, ५ लाखांचा गंडा – सविस्तर बातमी
पायल किशोर राजगुरू (वय १९, रा. कासार अंबोली मुळशी ) असे आत्महत्या केलेल्या तरूणीचे नाव आहे. याप्रकरणी सबुरी संतोष काळे (वय २५) शिवानी शाम आजबले (वय २६ )आणि दीपाली (पुर्ण नाव नाही) यांच्याविरूद्ध गुन्हा दाखल केला आहे.
पोलिसांनी दिलेल्या माहितीनुसार, चंदनगरमधील विठ्ठलनगरात अरिहंत कॉम्प्लेक्स महावीर सोसायटी असून, त्याठिकाणी पायल राजगुरू हिच्यासह चौघीजणी राहत आहेत. त्यांच्यात काही कारणावरून वाद झाल्यानंतर तिघींनी पायलला मानसिक त्रास दिला. तिची बदनामी करण्याची धमकी देउन आई-वडिलांना जीवे मारण्याची धमकी दिली. सततच्या जाचाला कंटाळून पायलने ९ मार्चला सकाळच्या सुमारास खोलीतील पंख्याला दोरीच्या मदतीने गळफास घेउन आत्महत्या केली. याप्रकरणी सहायक पोलीस निरीक्षक दशरथ तलेदवार तपास करीत आहेत.
