सहकारनगर पोलीस ठाण्यात दोघांविरूद्ध गुन्हा दाखल
marathinews24.com
पुणे- मुथूट फायनान्समध्ये रिकव्हरीसाठी आलेले सोने कमी किंमतीत देण्याची बतावणी करीत दोघांनी महिलेला पिवळ्या धातूच्या नकली सात अंगठ्या देउन ४ लाख ८० हजारांचा गंडा घातला आहे. ही घटना ९ मार्चला पुणे-सातारा रस्त्यावरील डीमार्ट समोर घडली आहे. याप्रकरणी पनवेलमध्ये राहणार्या महिलेने सहकारनगर पोलीस ठाण्यात फिर्याद दाखल केली आहे. त्यानुसार दोघांविरूद्ध गुन्हा दाखल करण्यात आला आहे.
बील अपडेट करणे पडले महागात;४ लाख ५० हजारांचा गंडा – सविस्तर बातमी
पोलिसांनी दिलेल्या माहितीनुसार, तक्रारदार महिला पनवेलमध्ये राहायला असून, आरोपींसोबत त्यांची ओळख झाली होती. एका आरोपीने संबंधित महिलेला मुथूट फायनान्समध्ये रिकव्हरी विभागात काम करीत असल्याची बतावणी केली. रिकव्हरीसाठी आलेले सोने कमी किंमतीत देण्याची बतावणी त्याने महिलेला केली होती. आरोपींनी महिलेचा विश्वास संपादित केल्यानंतर त्यांच्याकडून ४ लाख ४० हजार रूपये रोख आणि ४० हजार रूपये ऑनलाईनरित्या घेतले. त्याबदल्यात नकली सोन्याच्या सात अंगठ्या देउन फसवणूक केली आहे. याप्रकरणी पोलीस उपनिरीक्षक गणेश कर्चे तपास करीत आहेत.
