अन्न सुरक्षा व मानके कायद्यांतर्गत कारवाई
marathinews24.com
पुणे – अन्न व औषध प्रशासन विभाग, पुणे कार्यालयास प्राप्त झालेल्या माहितीनुसार प्रतिबंधित अन्नपदार्थांवर धडक कारवाई करण्यात आली. त्यादृष्टीने ९२ लाख ९८ हजार ८१ रुपयांचा मुद्देमाल जप्त करण्यात आला आहे.
पीएमपीएलच्या नावाने बनावट अॅप्लीकेशन – सविस्तर बातमी
पहिल्या कारवाईत में. आझमी वेट ब्रिज, गट नं. ५७४/२०१६, महाळुंगे एमआयडीसी, ता. खेड, जि. पुणे येथे विक्री व वितरणासाठी साठवून ठेवलेला गुटखा, पान मसाला व सुगंधित तंबाखूचा साठा जप्त करण्यात आला. या ठिकाणी बोलेरो मॅक्स पिकअप वाहनासह एकूण ७९ लाख १७ हजार १३१ रुपयांचा मुद्देमाल जप्त करण्यात आला. याप्रकरणी वाहन मालक सिराज नूर आलम व अज्ञात जागा मालक यांच्या विरोधात महाळुंगे पोलीस ठाण्यात गुन्हा नोंद करण्यात आला असून पुढील तपास सुरू आहे.
दुसऱ्या कारवाईत आनंद सेल्स, थेरगाव, पिंपरी-चिंचवड येथे गुटखा व पान मसाला वाहतूक करणारे वाहन पकडण्यात आले. त्यावेळी १३ लाख ८० हजार ९५० रुपयांचा प्रतिबंधित साठा जप्त करण्यात आला. वाहन मालक प्रज्वल सुदर्शन मुथा व रामस्वरूप यांच्या विरोधात वाकड पोलीस ठाण्यात गुन्हा नोंद करण्यात आला असून पुढील तपास पोलीस करीत आहेत. अन्न सुरक्षा व मानके कायद्यांतर्गत सदर कारवाई करण्यात आली असून नागरिकांनी प्रतिबंधित अन्नपदार्थांच्या विक्रीबाबत माहिती मिळाल्यास प्रशासनास कळवावे, असे आवाहन केले आहे.
