तब्बल २ हजार ६५ लीटर गावठी दारू जप्त

अवैध धंदे करणार्‍याविरूद्ध कठोर कारवाईचे आदेश पोलीस आयुक्त अमितेश कुमार यांनी दिले आहेत. त्यापार्श्वभूमीवर काळेपडळ ठाण्याचे वरिष्ठ पोलीस निरीक्षक मानसिंग पाटील यांच्या मार्गदर्शनाखाली तपास पथकाकडून ठिकठिकाणी अवैध धंद्याची शोधमोहिम राबविण्यात आली. ११ जूनला तपास पथकाचे सहायक पोलीस निरीक्षक अमित शेटे, दाऊद सय्यद, अतुल पंधरकर, खोकले, महादेव शिंदे हद्दीत पेट्रोलिंग करीत होते. त्यावेळी सातवनगरात बांधकाम सुरू असलेल्या बिल्डिंगजवळ एकजण दारूसाठा करुन विक्री करीत असल्याची माहिती पथकाला मिळाली. तपास पथकाने सापळा रचून हातभट्टी अड्डयावर छापा टाकून कारवाई केली. आरोपी नवीन दिलीप बिनावत याला ताब्यात घेतले.