दुचाकीवरुन हल्लेखोर पसार
marathinews24.com
पुणे – बिबवेवाडी परिसरात एका तरुणावर दुचाकीवरुन आलेल्या तिघांनी तीक्ष्ण शस्त्राने वार केल्याची घटना घडली. हल्लेखोरांनी तरुणाला बेदम मारहाण केली. भरतसिंह मानसिंह जोधा राठोड (वय ४३, रा. अजिंक्य अपार्टमेंट, सुखसागरनगर, कात्रज, मूळ रा. बिनमार, जि. जालोर, राजस्थान ) असे गंभीर जखमी झालेल्याचे नाव आहे. या प्रकरणी तीन जणांविरुद्ध खुनाचा प्रयत्न केल्या प्रकरणी गुन्हा दाखल करण्यात आला आहे. याबाबत राठोड यांचा भाऊ सोमसिह यांनी बिबवेवाडी पोलीस ठाण्यात फिर्याद दिली आहे.
गावठी दारू विक्रेत्याविरुद्ध एमपीडीए कारवाई – सविस्तर बातमी
पोलिसांनी दिलेल्या माहितीनुसार, भरतसिंह मंगळवारी रात्री दहाच्या सुमारास सुखसागनर परिसरातून निघाले होते. त्या वेळी दुचाकीवरुन आलेल्या तिघांनी त्यांना अडवले. भरतसिंह यांना शिवीगाळ करुन लाथाबुक्क्यांनी मारहाण केली. त्यांच्यावर तीक्ष्ण शस्त्राने वार करुन आरोपी दुचाकीवरुन पसार झाले. पसार झालेल्या आरोपींचा शोध घेण्यात येत आहे. गुन्हे शाखेचे पोलीस निरीक्षक सूरज बेंद्रे तपास करत आहेत.
