विमानतळ पोलिसांची कामगिरी
marathinews24.com
पुणे – पतीसोबत पायी चालत व्यायाम करणार्या महिलेच्या गळ्यातील २ लाख ५० हजारांचे सोन्याचे गंठण हिसकावणार्या दोघा दुचाकीस्वार चोरट्यांना विमानतळ पोलिसांनी अटक केली आहे. ही घटना ९ फेबु्रवारीला संध्याकाळी सव्वासहाच्या सुमारास खराडीतील जनक बाबा दर्गा चौकात घडली आहे. पंकज गणेश दिवटे वय २० रा. काकड हिरा, बीड आणि गणेश भारत गिर्हे वय २२ रा. नगररोड बीड अशी अटक केलेल्यांची नावे आहेत. याप्रकरणी ५८ वर्षीय महिलेने विमानतळ पोलीस ठाण्यात फिर्याद दाखल केली आहे.
दागिने चोरी प्रकरणी महिला गजाआड – सविस्तर बातमी
पोलिसांनी दिलेल्या माहितीनुसार तक्रारदार महिला आणि त्यांचे पती ९ फेबु्रवारीला संध्याकाळी सव्वासहाच्या सुमारास खराडीतील जनक बाबा दर्गा चौकात पायी चालत व्यायाम करीत होते. त्यावेळी दुचाकीवर आलेल्या दोघा चोरट्यांनी महिलेजवळ येउन त्यांच्या गळ्यातील अडीच लाखांचे सोन्याचे गंठण हिसकावून नेले. दाम्पत्याने आरडाओरड करेपर्यंत दुचाकीस्वार चोरटे सुसाट पसार झाले. घटनेची माहिती मिळताच विमानतळ पोलिसांनी घटनास्थळी धाव घेतली. परिसरातील सीसीटीव्ही फुटेज तपासून दुचाकी क्रमांकाच्या आधारे आरोपींचा शोध घेत त्यांना अटक केली. याप्रकरणी पोलीस उपनिरीक्षक नवनाथ क्षीरसागर तपास करीत आहेत.
