बिबवेवाडी परिसरातील घटना
marathinews24.com
पुणे – टेम्पोवर आदळून दुचाकीस्वार तरुणाचा मृत्यू झाल्याची घटना बिबवेवाडी परिसरात घडली. अक्षय अजित बोथरा (वय ३५, रा. विष्णू काॅम्प्लेक्स, नवशा मारुती मंदिराजवळ, सिंहगड रस्ता) असे मृत्युमुखी पडलेल्या दुचाकीस्वाराचे नाव आहे. याबाबत पोलीस शिपाई भागीनाथ पवार यांनी बिबवेवाडी पोलीस ठाण्यात फिर्याद दिली आहे.
पादचारी महिलेचे मंगळसूत्र हिसकावले – सविस्तर बातमी
पोलिसांनी दिलेल्या माहितीनुसार, अक्षय बोथरा हे व्यावसायिक आहेत. सोमवारी (२ फेब्रुवारी) मध्यरात्री सव्वादोनच्या सुमारास ते बिबवेवाडीतून अप्पर इंदिरानगरकडे निघाले होते. ईआयसी हाॅस्पिटलसमोर दुचाकीस्वार अक्षय यांचे नियंत्रण सुटले आणि टेम्पोला पाठीमागून धडक दिली. अपघातात ते गंभीर जखमी झाले. अपघाताची माहिती मिळताच त्यांना तातडीने खासगी रुग्णालयात दाखल करण्यात आले. उपचारांपूर्वीच त्यांचा मृत्यू झाला होता. पोलीस उपनिरीक्षक जगताप तपास करत आहेत.
