कर्वे रस्त्यावरील घटना
marathinews24.com
पुणे – पादचारी ज्येष्ठ महिलेचे मंगळसूत्र दुचाकीस्वार चोरट्यांनी हिसकावून नेल्याची घटना कर्वे रस्त्यावर घडली. या प्रकरणी दुचाकीस्वार चोरट्यांविरुद्ध गुन्हा दाखल करण्यात आला आहे. याबाबत एका तरुणाने अलंकार पोलीस ठाण्यात फिर्याद दिली आहे.
पुण्यातील कोथरूड, भवानी पेठ, शिवणे, हडपसरमध्ये घरफोडी – सविस्तर बातमी
पोलिसांनी दिलेल्या माहितीनुसार, तक्रारदार तरुण अहिल्यानगरमधील लोणी प्रवरा गावचा रहिवासी आहे. तरुणाची आई कामानिमित्त पुण्यात आली होती. १ जानेवारी रोजी तक्रारदार तरुणाची आई कर्वे रस्त्यावरुन निघाली होती. त्या वेळी दुचाकीस्वार चोरट्यांनी महिलेच्या गळ्यातील दोन लाख रुपयांचे मंगळसूत्र हिसकावून नेले. पोलीस हवालदार सावंत तपास करत आहेत.
पीएमपी प्रवासी महिलेचे सोन्याचे दागिने चोरीला
पीएमपी प्रवासी महिलेकडील सोन्याचे दागिने लांबविल्याची घटना नारायण पेठ परिसरात घडली. याबाबत एका ज्येष्ठ महिलेने विश्रामबाग पोलीस ठाण्यात फिर्याद दिली आहे. तक्रारदार ६५ वर्षीय महिला शनिवार पेठेत राहायला आहेत. त्या सोमवारी दुपारी दीडच्या सुमारास वारजे ते पुणे स्टेशन या मार्गावरील बसमधून प्रवास करत होत्या. प्रवासा दरम्यान त्यांचे ३५ हजारांचे मंगळसूत्र चोरट्याने लांबविले. केळकर रस्त्यावरील बस थांब्यावर त्या उतरल्या. तेव्हा मंगळसूत्र चाेरीला गेल्याचे लक्षात आले. पोलीस हवालदार सावंत तपास करत आहेत.
