हडपसरमधील एचपी पेट्रोल पंपासमोर घडली घटना
marathinews24.com
पुणे – भरधाव चारचाकी वाहनाने दिलेल्या धडकेत दुचाकीस्वार तरुणाचा मृत्यू झाला. हा अपघात रविवारी रात्री दीडच्या सुमारास हडपसरमधील एचपी पेट्रोल पंपासमोर घडला. याप्रकरणी वाहन चालकाविरोधात गुन्हा नोंद केला आहे. ओम विनायक कोल्हे (वय २३, रा. धायरी) असे मृत्यू झालेल्या तरुणाचे नाव आहे. याप्रकरणी त्याचे काका योगेस कोल्हे (वय ३५) यांनी तक्रार दिली आहे. त्यानूसार अनोळखी वाहनावरील चालकाविरोधात गुन्हा नोंद केला आहे.
पीएमपी प्रवासात जेष्ठ महिलेची बांगडी चोरली – सविस्तर बातमी
पोलिसांनी दिलेल्या माहितीनुसार, ओम हा रविवारी मध्यरात्री दीडच्या सुमारास हडपसर येथे काही कामानिमित्त गेला होता. तो तेथून परत निघाला होता. एचपी पेट्रोल पंपासमोर आल्यानंतर त्याच्या दुचाकीला भरधाव चारचाकी वाहनाने धडक दिली. या धडकेत तो गंभीररित्या जखमी झाला होता. या घटनेत त्याचा मृत्यू झाला. अपघातानंतर वाहन चालक घटनास्थळी न थांबता पसार झाला. अधिक तपास हडपसर पोलिस करत आहेत.
