अज्ञात चोरट्यांविरोधात गुन्हा दाखल
marathinews24.com
पुणे – पीएमपीएल बस प्रवासात चोरट्यांनी मेंटल कॉर्नर बिआरटी बसस्थानक ते साठे बिस्कीट बिआरटी प्रवासादरम्यान ज्येष्ठ नागरिक महिलेच्या हातातील ५० हजार रूपयांची सोन्याची बांगडी चोरून नेली. याप्रकरणी विश्रांतवाडी पोलिस ठाण्यात ७४ वर्षीय ज्येष्ठ महिलेने तक्रार दाखल केली आहे. त्यानूसार, अज्ञात चोरट्यांविरोधात गुन्हा नोंद केला आहे.
सायबर चोरट्यांचा ज्येष्ठ वकिलाला १४ कोटींचा गंडा – सविस्तर बातमी
पोलिसांनी दिलेल्या माहितीनुसार, तक्रारदार या विश्रातंवाडी परिसरात राहण्यास आहेत. गेल्या आठवड्यात काही कामानिमित्त मेंटल कॉर्नर येथे आलेल्या होत्या. तेथून त्या पीएमपी बसने परत जात होत्या. तेव्हा बसमध्ये मोठी गर्दी होती. या गर्दीत चोरट्यांनी त्यांच्या हातातील सोन्याची बांगडी कापून चोरून नेली. त्यांना साठे बिस्कीट बिआरटी बसस्थानक येथे आल्यानंतर चोरी झाल्याचे लक्षात आले. त्यानंतर त्यांनी पोलिसांकडे तक्रार दिली. दरम्यान, या घटनेने त्यांना मोठा धक्का बसला होता. अधिक तपास पोलिस करत आहेत.
