वारजेत अपघातात दुचाकीस्वाराचा मृत्यू, एकजण जखमी

बाह्यवळण मार्गावरील साई-सयाजीनगर परिसरातील कमानीजवळ अपघात 

marathinews24.com

पुणे – बाह्यवळण मार्गावर झालेल्या अपघातात दुचाकीस्वाराचा मृत्यू झाल्याची घटना घडली. अपघातात एकजण जखमी झाल्याची घटना वारजे भागात घडली. मुकेश छितरलाल दाबोडिया (रा. म्हाडा वसाहत, वारजे माळवाडी) असे मृत्युमुखी पडलेल्या दुचाकीस्वाराचे नाव आहे. अपघातात लाडले मेहबूब पटेल (वय ५०, रा. गोकुळनगर, वारजे माळवाडी) हे जखमी झाले आहेत. याबाबत पटेल यांनी वारजे माळवाडी पोलीस ठाण्यात फिर्याद दिली आहे.

उधारीवर दारू न दिल्याने कामगाराला बदडले – सविस्तर बातमी 

पोलिसांनी दिलेल्या माहितीनुसार, पटेल हे त्यांच्या मुलाच्या दुचाकीवरुन कोंढव्याकडे २९ मे रोजी निघाले होते. रात्री साडेनऊच्या सुमारास बाह्यवळण मार्गावरील साई-सयाजीनगर परिसरातील कमानीजवळ पटेल यांच्या मुलाची दुचाकी बंद पडली. त्यामुळे त्याने रस्त्याच्या कडेला दुचाकी लावली. त्यावेळी पाठीमागून भरधाव वेगात आलेल्या दुचाकीस्वार दाबोडियाने रस्त्याच्या कडेला थांबलेल्या पटेल यांच्या मुलाच्या दुचाकीला धडक दिली. अपघातात दाबोडिया गंभीर जखमी झाला. त्याला उपचारांसाठी रुग्णालयात दाखल करण्यात आले. उपचारादरम्यान त्याचा मृत्यू झाला. अपघातात दुचाकीजवळ थांबलेले पटेल हे जखमी झाले. उपचारानंतर त्यांनी पोलिसांकडे तक्रार दिली. पोलीस हवालदार गांगुर्डे तपास करत आहेत.