चालकाविरूद्ध फुरसुंगी पोलीस ठाण्यात गुन्हा दाखल
marathinews24.com
पुणे – भरधाव टेम्पो चालकाने दिलेल्या धडकेत गंभीररित्या जखमी झालेल्या दुचाकीस्वाराचा उपचारादरम्यान मृत्यू झाला आहे. हा अपघात १७ डिसेंबरला दुपारी पावणे चारच्या सुमारास हडपसर परिसरातील सासवड रोड, भेकराईनगरात झाला होता. याप्रकरणी टेम्पो चालकाविरूद्ध फुरसुंगी पोलीस ठाण्यात गुन्हा दाखल करण्यात आला आहे.
अपघाताच्या बतावणीने मोटार चालकाला लुटले – सविस्तर बातमी
मनोहर वामनराव धर्माधिकारी (वय ५७ रा. नेहरूनगर, पिंपरी-चिंचवड) असे ठार झालेल्या दुचाकीस्वाराचे नाव आहे. त्यांच्या पत्नी उषा धर्माधिकारी (वय ४८) यांनी फिर्याद दाखल केली आहे.
पोलिसांनी दिलेल्या माहितीनुसार, दुचाकीस्वार मनोहर धर्माधिकारी हे पिंपरीतील नेहरूनगर परिसरात राहायला होते. १७ डिसेंबरला दुपारी साडेतीनच्या सुमारास ते सासवड रस्त्यावरील भेकराईनगरातून जात होते. त्यावेळी भरधाव वेगातील टेम्पो चालकाने त्यांना धडक दिली. त्यामुळे मनोहर हे गंभीररित्या जखमी झाले होते. त्यांना तातडीने रूग्णालयात दाखल करण्यात आले. मात्र, उपचारादरम्यान त्यांचा मृत्यू झाल्याचे डॉक्टरांनी घोषित केले. याप्रकरणी पोलीस उपनिरीक्षक खंदारे तपास करीत आहेत.
पेन्शनकार्ड काढून देण्याची बतावणी, ९ लाखांची फसवणूक
पेन्शनकार्ड काढून देण्याची बतावणी करीत सायबर चोरट्यांनी सदाशिव पेठेत राहणार्या ७८ वर्षीय जेष्ठाला तब्बल ९ लाखांचा गंडा घातला आहे. ही घटना १७ ते १८ डिसेंबर २०२५ कालावधीत घडली आहे. याप्रकरणी ७८ वर्षीय जेष्ठाने विश्रामबाग पोलीस ठाण्यात फिर्याद दाखल केली आहे. याप्रकरणी पोलीस निरीक्षक अरूण घोडके तपास करीत आहेत.
