४९ हजारांच ऐवज चोरीला
marathinews24.com
पुणे – भरदिवसा फ्लॅटचे कुलूप तोडून चोरट्यांनी १९ हजारांची रोकड, कॅनडा देशाचे चलन, डॉलर, सोन्या-चांदीचे दागिने असा ४९ हजारांचा ऐवज चोरून नेला आहे. ही घटना १७ फेब्रुवारीला सकाळी अकराच्या सुमारास कोथरूडमधील परमहंसनगरातील साई सयाजी सोसायटीत घडली आहे. याप्रकरणी ७१ वर्षीय जेष्ठाने कोथरूड पोलीस ठाण्यात फिर्याद दाखल केली आहे. त्यानुसार अज्ञात चोरट्यांंविरूद्ध गुन्हा दाखल करण्यात आला आहे.
सायबर चोरट्यांकडून दोघांची १६ लाखांची फसवणूक – सविस्तर बातमी
पोलिसांनी दिलेल्या माहितीनुसार, तक्रारदार हे कोथरूडमधील परमहंसनगरातील साई सयाजी इमारतीत राहायला आहेत.१७ फेबु्रवारीला सकाळी ते कामानिमित्त बाहेर गेले होते. त्यावेळी चोरट्यांनी त्यांच्या बंद फ्लॅटचे कुलूप तोडून आतमध्ये प्रवेश केला. कपाटातील रोकड, डॉलर, सोन्या-चांदीचे दागिने असा ४९ हजारांचा ऐवज चोरून नेला. बाहेरून आल्यानंतर तक्रारदारांना फ्लॅटमध्ये चोरी झाल्याचे दिसून आले. त्यानंतर त्यांनी पोलीस ठाण्यात धाव घेतली. याप्रकरणी पोलीस अमलदार माळी तपास करीत आहेत.
