पोलिसांनी रात्रगस्त घालण्याची नागरिकांकडून मागणी
marathinews24.com
बीड – केज तालुक्यात एकाच रात्रीत दोन ठिकाणी चोरी झाल्याची घटना उघडकीस आल्या आहेत. या घटनेने परिसरात खळबळ उडाली असुन पोलिसांकडून चोरट्यांचा तपास करण्यासाठी श्वान पथक घटनास्थळी रवाना करण्यात आले आहे. दरम्यान, चोरीच्या घटना टाळण्यासाठी पोलिसांनी रात्रगस्त घालण्याची मागणी नागरिकांनी केली आहे.
केजमध्ये बनावट दारुसह ७ लाख ३६ हजारांचा मुद्देमाल जप्त – सविस्तर बातमी
लव्हरी येथील ज्ञानेश्वर चाळक हे शेतात पिकाला पाणी देण्यासाठी गेले होते. त्यांच्या घरी रात्री आई वडील, पत्नी व दोन मुले घरी होते. ते सर्वजण एका खोलीत झोपलेले असताना दि. २२ जानेवारीला मध्यरात्री चोरट्यांनी बाहेरून दरवाजाला कडी लावून त्यांच्या घराच्या दुसऱ्या खोलीचे कुलूप तोडून त्यातील कपाट उघडले. त्यातील दीड लाख रुपये आणि प्रत्येकी पाच ग्रॅम वजनाच्या ५० हजार रुपये किमतीच्या दोन अंगठ्या चोरट्यांनी चोरून नेल्या आहेत.
कानडीमाळी गावातील आत्माराम लिंबाजी राऊत यांचे वेल्डिंगचे दुकान फोडून वेल्डिंग मशीन, ग्राईंडर आणि इतर साहित्य असे सुमारे १९ हजारांचे साहित्य लंपास केले. दोन्ही चोरीच्या घटनेत रोकड, दागिने, साहित्य असा मिळून सव्वादोन लाख रुपये. किमतीचा मुद्देमाल चोरीला गेला आहे. माहिती पोलिसांना मिळताच चोरट्यांचा माग काढण्यासाठी श्वान पथक घटनास्थळी रवाना करण्यात आले होते.
