दोन जण ताब्यात; युसुफ वडगाव पोलिस ठाण्याच्या
हद्दीत कारवाई
marathinews24.com
बीड – राज्य उत्पादन शुल्क विभागाने तब्बल ७ लाख ३६ हजार रुपयाची बनावट दारू जप्त केली आहे. केज तालुक्यातील युसुफ वडगाव पोलिस ठाण्याच्या हद्दीत कारवाई करण्यात आली. वाहनातून बनावट दारू वाहतूक होत असल्याची माहिती राज्य उत्पादन शुल्क विभागाला मिळाली होती.
पुण्यात ई-सिगारेटसह हुक्का फ्लेवर जप्त – सविस्तर बातमी
२१ जानेवारीला राज्य उत्पादन शुल्क विभागाचे अधीक्षक विश्वजीत देशमुख यांच्या मार्गदर्शनाखाली पोलिस निरीक्षक चौरे यांच्या पथकातील कुबडे, कोरे, कदम, जारवाल, एस.व्ही. लोमटे, वायबट, कदम, श्रीमती ढवळे, पोतलवाड, चाटे यांनी कारवाई केली.
बनावट दारू वाहतूक करीत असताना रेवण सोपान नखाते वय (३५ वर्ष), (रा. मठगल्ली, धारूर), गणेश मारोती धुमाळ वय (३५ वर्ष), (रा. उपळाई रोड, बार्शी ता. बार्शी जि. सोलापूर) आणि पप्पू कदम हे स्विफ्ट गाडी क्र. (एम एच १४/ इ पी ३७४१) मधून बनावट दारूची वाहतूक करीत असताना आढळून आले. कळंब-अंबाजोगाई रोडवरील युसुफवडगाव शिवारात ही कारवाई करण्यात आली. केज परिसरात बनावट दारूची वाहतूक करत असताना राज्य उत्पादन शुल्क विभाग बीड व अंबाजोगाई याच्या पथकाने मोठ्या प्रमाणात बनावट दारू व इतर मुद्देमाल जप्त करत त्यामध्ये १ लाख ३२ हजार रुपयांची रॉयल स्टॅग, ८४ हजाराची टँगो पंच, १ लाख ४० हजाराचे तीन मोबाईल, गाडीची किंमत ३ लाख ८० हजार असा एकूण ७ लाख ३६ हजार रुपयांचा मुद्देमाल जप्त केला. कारवाईत रेवण सोपान नखाते, गणेश मारोती धुमाळ या दोघांना राज्य उत्पादन शुल्क पथकाने ताब्यात. घेतले आणि पप्पू कदम हा पळून गेला असून त्याचा शोध सुरू आहे.
